भारतसँगको हारपछि सेमिफाइनलबाटै बाहिरियो नेपाल

संबाददाता : ओम हमाल     प्रकाशित मिति: (२०७३ पुष १८, सोमबार) १२:२१

काठमाडौं, १८ पुस ।

चीर प्रतिद्धन्दी भारतसँग ३-१ गोलले पराजित हुँदै नेपाल चौथो साफ महिला च्याम्पियनसीपको सेमिफाइनलबाटै बाहिरिएको छ ।

साफ च्याम्पियनसिपको अघिल्लो तीन संस्करणमा भारतसँग फाइनलमा पराजित भएको नेपाल यसपालि पहिलोपटक सेमिफाइनलमा भिडेको थियो। जसमा नेपालविरुद्ध पुरानै खेलाडी हावी देखिए। जसकारण नेपाल पहिलापटक सेमिफाइनलबाट बाहिरिन बाध्य भयो।

नेपालविरुद्ध पहिलो हाफको ४४ मिनेटमा भारतकी स्टार स्ट्राइकर कमला देवीले उत्कृष्ट गोल गरिन्। उनले डिबक्समा नेपाली डिफेन्डरलाई बिट गर्दै दोस्रो बार च्यापेर हानेको प्रहार गोलमा परिणत भएको थियो।

भारतले पहिलो हाफको खेल १–० ले आफ्नो पक्षमा राखेको थियो। दोस्रो हाफमा मिडफिल्डर इन्दुमतिले ५९ मिनेटमा गोल गरिन्। उनले नेपाली डिफेन्डरको ‘अफ ट्रयाप’ लाई चिर्दै अर्को गोल गरिन्। दुई गोलले पछाडि परेको अवस्थामा नेपालले पेनाल्टीमार्फत गोल फर्काएको थियो।

नेपालका लागि सावित्रा भण्डारीले ७५ मिनेटमा पेनाल्टीबाट गोल गरेकी थिइन्। भारतीय डिफेन्डरले डिबक्सभित्र ह्याण्ड गरेपछि प्राप्त पेनाल्टीमा सावित्राले गोल गरिन्। उनको यो प्रतियोगितामा १२ औं गोल थियो।

दोस्रो हाफपछि खेलमा फर्किन संघर्षरत नेपालविरुद्ध सुस्मिता मलिकले तेस्रो गोल गरिन्। जसका कारण नेपालको फाइनल पुग्ने सपना भताभुङ्ग भयो। कमलादेवीको कर्नर किकमा डिबक्स भित्र नेपाली डिफेन्डरले बललाई क्लियर गर्न नसक्दा सुस्मिताले ८३ मिनेटमा गोल गरिन्।

नेपालले १० महिनाअघि सिलोङमा भएको १२ औं साग गेममा भारतविरुद्ध फाइनलमा ४–० गोलको पराजय बेहोरेको थियो। भारतीय खेलाडी पनि आज त्यति खुलेर खेल्न सकिरहेका थिएनन्। नेपालविरुद्ध अस्मिता मलिकले विङबाट उत्कृष्ट प्रदर्शन गरिन्। उनलाई रोक्न नेपाली डिफेन्डरलाई हम्मेहम्मे परेको थियो।

नेपाली स्ट्राइकर सावित्रालाई रोक्न भारतले दुई डिफेन्डरलाई खटाएको थियो। जुन रणनीतिमा उनीहरु सफल पनि भए। नेपालको कमजोरी पत्ता लगाएको भारतले लामो पास र हाई बललाई प्राथमिकता दिएको थियो। मैदानको मध्यभन्दा उनीहरुले विङबाट बढी प्रहार गरेका थिए।

तीन गोल खाएपनि नेपाली गोलरक्षक एन्जिला सुब्बाको प्रदर्शन हेर्न लायक थियो। उनले भारतको आधा दर्जन प्रहारलाई गोल पोस्टमा जोगाएकी थिइन्। खेल सकिएपछि मिडियासँग कुराकानी गर्दै नेपाली प्रशिक्षक कुमार थापाले बंगलादेशी रेफ्री मोहम्मद अनिसुर रहमानको निर्णयप्रति असन्तुष्टी जाहेर गरे।उनले आफ्नो टोलीले तीनवटा पेनाल्टीको अवसर पाउनु पर्नेमा रेफ्रीले नदिएको आरोप लगाए।


(२०७३ पुष १८, सोमबार) १२:२१ मा प्रकाशित

°
Weather from OpenWeatherMap

मुख्य समाचार

सबै

नेकपा मजदुर संघको केन्द्रीय अध्यक्ष लोकेन्द्र थापा ‘आकाश’ कारबाहीमा

काठमाडौँ : नेपाल कम्युनिस्ट पार्टी निकट अखिल नेपाल क्रान्तिकारी ट्रेड यूनियन महासंघका केन्द्रीय सदस्य एवं अखिल नेपाल क्रान्तिकारी हाइड्रो तथा खानी मजदुर संघको केन्द्रीय अध्यक्ष लोकेन्द्र थापा ‘आकाश’.....

नेपाल–भारतबीच समाधान गरिनुपर्ने बिबादित मुद्दाहरु : हरि रोक्का

सात दशक छोटो समय होइन, जुन सुकै कोणबाट हेरे पनि । स्वतन्त्र भारतसँगको नेपाली सहयात्रा सात दशक पुरानो भइसकेछ । १०४ वर्षे जहानियाँ राणा शासनको अँध्यारो युगबाट उज्यालोमा प्रवेश गर्दै गर्दा.....

काठमाण्डौ प्रहरीद्वारा टेलीभिजनकर्मी रबि पत्नीको चितवन प्रहरी प्रमुखसहित तीन जनाविरुद्धको मुद्दा दर्ता गर्न अस्वीकार

पत्रकार शालिकराम पुडासैनी आत्महत्या प्रकरणमा प्रहरी हिरासतमा रहेका टेलिभिजनकर्मी रवि लामिछानेकी पत्नी निकिता पौडेलको जाहेरी दर्ता गर्न प्रहरीले अस्वीकार गरेको छ । प्रहरी अनुसन्धानमा.....

Exchange Rate

Nepali Patro