बिल गेट्सको ट्वीटर अकाउन्ट ह्याक, एक हजार डलर माग : दोब्बर रकम फिर्ता गर्ने प्रस्ताव

संबाददाता : ओम हमाल     प्रकाशित मिति: (२०७७ श्रावण १, बिहीबार) ०९:२७

बिल गेट्सलगायत विश्वकै धनाढ्य व्यक्तिहरुको ट्वीटर अकाउन्ट ह्याक भएको छ । अरबपति व्यापारी बिल गेट्स, एलन् मस्क, जेफ बेजोसलगायतको ट्वीटर अकाउन्ट बिटक्वाइनको नामबाट ह्याक भएको छ । ह्याक गरिएका अकाउन्टहरुमा रकम माग गर्दै, त्यसको दोब्बर पैसा फिर्ता दिने उल्लेख छ ।

बिल गेट्सको अकाउन्टमा लेखिएको छ, ‘जसले पनि मलाई समाजमा फर्काउने कुरा गरिरहन्छ । अब त्यो समय आइसकेको छ । तपाईं मलाई एक हजार डलर पठाउनुस्, म तपाईंलाई दुई हजार डलर दिन्छु ।’

टेस्लाका प्रमुख एलन मस्कको अकाउन्ट पनि पोष्ट गरिएको ट्वीटमा आगामी एक घण्टासम्म बिटक्वाइनमा पठाइएको पैसा दोब्बर फिर्ता दिइने उल्लेख छ । बिटक्वाइनको ठेगानाको लिंकसँगै गरिएको ट्वीटमा लेखिएको छ, ‘म कोरोना महामारीका कारण दान गर्दैछु ।’

यसअघि पनि अमेरिकाका पूर्वराष्ट्रपति बराक ओबामा, डेमोक्रेटिक पार्टीका राष्ट्रिपति उम्मेदवार जो बाइडेन, विश्वका ठूला कम्पनीहरु उबर र एप्पलको अकाउन्ट पनि ह्याक गरिएको थियो ।

ट्वीटरले यस घटनाको जाँच गरिरहेको र छिट्टै विस्तृत रुपमा जानकारी दिने जनाएको छ । एजेन्सी


(२०७७ श्रावण १, बिहीबार) ०९:२७ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना