ठगी गरेको आरोपमा अष्ट्रेलियामा दुई नेपाली पक्राउ, अदालतले जमानतमा छाड्न मानेन

संबाददाता : ओम हमाल     प्रकाशित मिति: (२०७७ असार १०, बुधबार) ०६:४३

ठगी गरेको आरोपमा अष्ट्रेलियामा दुई नेपाली पक्राउ परेका छन् । ८५ वर्षीया एक वृद्धालाई ठगी गरेको आरोपमा सोमबार पश्चिमी सिड्नीबाट प्रहरीले २२ वर्षीया नेहा गिरी र १९ वर्षीय आयुष भट्टराईलाई पक्राउ गरेको हो ।

उनीहरुमाथि छलकपटपूर्वक पैसा असुल गरेको अभियोगमा पाँचौं दर्जा र जानाजान आपराधिक कार्यमा संलग्न भएको आरोपमा तेस्रो दर्जाको मुद्दामा लगाइएको छ । दुवैलाई मंगलबार पारामट्टा स्थानीय अदालतमा उपस्थित गराइएको छ । र, अदालतले पनि जमानतमा छाडेन । अदालतको अर्को सुनुवाइ अगष्ट २० मा हुनेछ ।

समाचारमा जनाइएअनुसार ठगीमा परेकी भनिएकी महिलालाई एक व्यक्तिले फोन गरी आफु बैंकबाट बोलेको र उनको नयाँ खाता खोल्नुपर्ने भन्दै नयाँ खाता खोल्नका लागि तीन हजार डलर कुरियर गरेर पठाइदिन भनेका थिए। उक्त पैसा उनको खातामा जम्मा हुने बताइएको थियो । तर त्यो पैसा लिन उनकै घरमा गिरि र भट्टराई पुगेकै बेला थप पाँच हजार डलर आवश्यक रहेको बताएका थिए । ती महिलाले पैसा बुझाएपछि पनि वृद्धा प्रहरीमा पुगेकी थिइन् । त्यसबेला पनि उनलाई ठगी गर्ने समूहबाट फोन आएको थियो । प्रहरीले बृद्धाको घरमा पैसा लिन पुगेका दुई नेपाली गिरी र भट्टराईलाई पक्राउ गरेको छ ।

अनुसन्धानकर्ताहरुकाअनुसार यसरी नै ठगीमा अन्य व्यक्तिहरु पनि ठगिएको हुन सक्ने भएकाले ठगीमा परेका पीडितहरुको पनि पहिचान भइरहेको छ ।


(२०७७ असार १०, बुधबार) ०६:४३ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना