सुनचाँदी पसलमा प्रहरीको छापा, फोटो खिच्ने पत्रकारको फोटो डिलिट

संबाददाता : ओम हमाल     प्रकाशित मिति: (२०७७ जेष्ठ २३, शुक्रबार) ०९:३७

कमल पौडेल अथक।
पोखरा ५ पर्स्याङस्थित गणेशलक्ष्मी सुनचाँदी पसलका संञ्चालक विहीवार पक्राउ परेका छन् । वडा प्रहरी कार्यालय वैदामवाट दिउसो चार वजे खटिएको प्रहरीले पसल सञ्चालकलाई पक्राउ गरेको हो । चोरीको सुन खरिद प्रकरणको आरोपमा उनलाई पक्राउ गरिएको हुनसक्ने आँकलन गरिएको छ । तर प्रहरीले भने पक्राउ पर्नुको कारण वताएको छैन ।

कोरोनाको विश्वव्यापी महामारीका बेला पसलमा दिउसै प्रहरीले छापा हानेपछि सयौंको संख्यामा त्यहाँ मानिसको भिडभाड थियो । केही प्रहरीले मुखमा माक्स लगाएपनि अधिकांशले लगाएका थिएनन् । पक्राउ गर्नुको कारण वारे सोधपूछ गर्दा अनुसन्धान गर्न मात्रै भनेर प्रहरी तर्किएको थियो ।

पसलमा प्रहरीले छापा हानेको फोटो खिच्न पुगेका पत्रकारलाई समेत प्रहरीले फोटो नखिच्न भन्दै खिचेको फोटो समेत डिलेट गर्न दवाव दिएको थियो । परिचय पत्र देखाउँदा समेत प्रहरीले फोटो डिलेट गराउन दवाव दिएको हो ।

प्रहरी  निरिक्षक सुजन भण्डारी पसलमा छापा मार्नुको कारण वताउन भन्दा पत्रकारले खिचेको फोटो डिलेट गराउने ध्याउन्नमा बढी केन्द्रीत भएका थिए ।  प्रहरीले सार्वजनिक चोकमा मेला जस्तै गरेर पसलको छापा मारेको फोटो खिचेर यथार्थ जानकारी गराउनु पत्रकारको धर्म भन्ने उनले बुझेनन् । पसलको छापा मार्नु मात्र उनले धर्म संम्झिएको उपस्थित नागरिकले गुनासो गरे ।

प्रहरी निरिक्षक भण्डारी पत्रकारले खिचेको फोटोमा मात्र केन्द्रीत वनेर फोटो नै डिलेट गराउन उद्दत भएको देख्दा उपस्थित नागरिकहरुले आश्चर्य प्रकट गरेका थिए । कतिपय अवस्थामा पीडकसँग मोटो रकम असुलेर मेलमिलाममा केन्द्रीत हुने प्रहरीलाई पत्रकार तथा संञ्चारकर्मीहरु शत्रु नै लाग्नु स्वभाविक भएको घटनास्थलमा उपस्थित नागरिकहरुले वताएका छन् ।


(२०७७ जेष्ठ २३, शुक्रबार) ०९:३७ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना