बाँकेको ठुरिया जंगलमा मध्यराती भ्यान ट्रकमा ठोक्किंदा १२ जनाको मृत्यु, २१ घाइते

संबाददाता : ओम हमाल     प्रकाशित मिति: (२०७७ जेष्ठ १९, सोमबार) ०७:४४

बाँकेको राप्ती सोनारी गाउँपालिका–२ ठुरिया जंगलमा गएराती ट्रकमा भ्यान ठोक्किंदा १२ जनाको मृत्यु भएको छ । २१ जना घाइते भएका छन् ।

पूर्व–पश्चिम राजमार्गअन्तर्गत राप्ती सोनारी गाउँपालिका–२ स्थित छुरे जंगलमा बिग्रेर रोकिराखेको ना ४ ख ९०६४ नम्बरको ट्रकमा पश्चिमबाट पूर्वतर्फ जाँदै गरेको बा ५ ख ५९९५ नम्बरको फोर्स भ्यान ठोक्किँदा घटनास्थलमै १२ जनाको मृत्यु भएको बाँकेका ट्राफिक प्रहरी प्रमुख पबिन्द्र बमले जानकारी दिए । मृत्यु हुनेहरुमा ११ पुरुष र एक महिला रहेका छन् ।

सो भ्यान लकडाउनकाकारण अलपत्र परेर भारतबाट नेपाल प्रवेश गरेका नेपालीहरुलाई लिएर नेपालगञ्जबाट सल्यान जाँदै गरेको थियो। ३३ जना सवार भ्यान अनियन्त्रित भई रोकिराखेको ट्रकमा ठोक्किएको ट्राफिक प्रहरीले बताएको छ ।

दुर्घटनामा घाइते भएकाहरुलाई उपचार गर्न नेपालगञ्ज ल्याइएको छ । शवहरु भेरी अस्पतालमा राखिएको छ । मृतक सनाखत नभएको ट्राफिक प्रहरीले जनाएको छ।

दुर्घटनाका घाइतेहरुलाई उपचारका लागि नेपालगन्जस्थित भेरी अस्पतालमा ल्याइएको छ । साथै मृतकहरुको शव पनि पोस्टमार्टमका लागि अस्पताल लगिएको इलाका प्रहरी कार्यालय कोहलपुरले जनाएको छ । दुर्घटनाको विस्तृत विवरण आउन बाँकी छ ।


(२०७७ जेष्ठ १९, सोमबार) ०७:४४ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना