हिले बाहिनीका सैन्य हवल्दार भट्टराईको उपचारकै क्रममा मृत्यु, घटना शंकास्पद भन्दै आफन्तद्वारा शव बुझ्न अस्वीकार

संबाददाता : ओम हमाल     प्रकाशित मिति: (२०७७ जेष्ठ १३, मंगलवार) १८:३०

ब्यारेकमा अचेत अवस्थामा भेटिएको भन्दै थप उपचारका लागि विराटनगरको विराट मेडिकल कलेज ल्याइएका नेपाली सेनाको हिले बाहिनीमा कार्यरत सैनिक हवल्दार परशुराम भट्टराईको सोही अस्पतालमा सोमबार मृत्यु भएको छ ।

उनलाई बाहिनीका सैनिक टोलीले जेठ ५  विराट मेडिकल कलेजमा ल्याएका थिए । सुनसरी रामधुनी नगरपालिका- ३ घर भएका भट्टराईको शरीरमा चोट भएकाले घटना शंकास्पद रहेको भन्दै आफन्तले शव बुझ्न अस्वीकार गरेका छन् र घटना छानबिनको माग गरेका छन् । उनीहरुले मृत्युका बारेमा भोलिपल्ट मात्रै जानकारी दिइएकोमा पनि शंका गरेका छन्।

आफन्तले शव बुझ्न नमानेपछि नेपाली सेनाले नै शव पोष्टमार्टमका लागि विपी कोइराला स्वास्थ्य विज्ञान प्रतिष्ठान धरान लगेको छ ।

घटना छानबिनको माग गर्दै मंगलबार आफन्त र छिमेकी सैनिक ब्यारेक रहेको स्थान धनकुटातर्फ गएका थिए । सुनसरीबाट धनकुटातर्फ गएका आफन्तलाई प्रहरीले भेडेटारबाटै फर्काइदिएको छ ।

 


(२०७७ जेष्ठ १३, मंगलवार) १८:३० मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना