राहत वितरण प्रकृया प्रति असन्तुष्टि जनाउदै वडाध्यक्ष मण्डलमाथि कुटपिट (भिडियो सहित)

संबाददाता : ओम हमाल     प्रकाशित मिति: (२०७७ बैशाख ३, बुधबार) १२:५७

राहत वितरणको विषयलाई लिएर स्थानीयले इनरुवा नगरपालिकाको वडा नम्बर ८ का अध्यक्ष रविन्द्र मण्डलमाथि हातपात गरेका छन् । वडा कार्यालयले थालेको राहत वितरण प्रकृया प्रति असन्तुष्टि जनाएको समूहले वडाध्यक्ष रविन्द्र मण्डलमाथि हातपात गरेको हो ।

इनरुवा-८ को गणेश नेरा आधारभुत विद्यालयमा राहत वितरण जारी रहँदा स्थानीय युवा सहितको टोलीले हुलहुज्जत गरी वडाध्यक्षमाथि हातापात गरेको थियो । हातपातका कारण वडाध्यक्ष मण्डलको गालामा सामान्य चोट लागेको छ ।

दुवैपक्षबिच घम्साघम्सीको अवस्था निम्तिएपछि प्रहरीले अवस्थालाई नियन्त्रणमा लिएको थियो ।विद्यालय भित्र राहत वितरण गरिदै गर्दा गेट बाहिर उपस्थित सर्वसाधारण मध्येको समूहले राहत पारदर्शी नभएको भन्दै चर्को विरोध जनाएका थिए । गरिव तथा विपन्नलाई नभई धनीमनी र सम्पन्न परिवारलाई राहत बाडेको उनीहरुको आरोप थियो ।

उता वडाध्यक्ष मण्डलले भने केहि व्यक्तिले स्थार्थगत प्रतिशोध साँध्न आफुमाथि आक्रमण गरेको प्रतिकृया दिएका छन् । सम्झाईबुझाई गर्ने क्रममा एक्कासी आफुमाथि कुटपिट भएको उनले बताए । मण्डलले असन्तुष्ट पक्षले लगाएको आरोपमा सत्यता नभएको बताए । उनले राहत आवश्यक नपर्ने र नाम नटिपाउने व्यक्तिको समूहले हुलहुज्जत गरेको बताए ।

८ नम्वर वडा कार्यालयले ९ सय २७ परिवारलाई राहत बाडिने जनाएको छ । घरलौरी गरेर राहत पाउनेहरुको विवरण संकलन गरिएको वताएका वडाध्यक्ष मण्डलले छुटपुट भएको भए नाम टिपाई राहत प्राप्त गर्न सकिने बताएका छन् । राहत वितरणमा वडा सामाजिक दुरी कायम गराउन भने चुकेेेेकाेे थियाेे । भित्र दुरी देखिएनी बाहिर भने मेेेला झैं देखिन्थाेे ।


(२०७७ बैशाख ३, बुधबार) १२:५७ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना