लघुकथा: पराकाष्ठा – परशुराम कोइराला

संबाददाता : ओम हमाल     प्रकाशित मिति: (२०७६ फाल्गुन २५, आईतवार) ०५:५५

“जुत्ताको माला पनि शोभनीय नहुनेलाई फूलकै माला किन भिराउँछन् मान्छेहरुले अाजभोलि ?” उनीहरूले सोधे ।
सामन्तकालीन चाकडी कै पराकाष्ठा भनेर बाटा लागें म । चाकरहरू सबै हिस्स परेर मलाई खाउँलाझैं गरि हेरिरहेका थिए । राज्यसत्ताका गलत दर्शन र बाटाहरूले विद्रोह निम्त्याइ रहने लागिरहेको थिय‍ो ।
घर अाएँ ।

एकाएक फूलप्रतिका घृणाभाव मडारिंदै थियो । टोल हेरें , समाज हेरें ।देश हेरें । अगुवाहरू हेरें । गलत कुराकै पछि थिए ती । उराठ लागेर अायो । समाजले माने-स्वीकारे पनि फरक विचारमाथि प्रतिवन्ध लगाइहाल्ने तन्त्रलाई लोकतन्त्र मान्न पनि सक्ने कुरा रहेन ।

समाज एकातिर अाफू एक्लै अर्कातिर हुने विषयमा पनि दिउँसो बहस शुरुभयो ।सहीगलत भन्नुभन्दा पनि भीड हेर्रेर निर्णय लिने चलन पशुजगतमा बढी देखिन्छ । पशुजगत मध्य पनि भेंडाहरूमा बढी देखिन्छ ।

आशाभरोसा केन्द्रहरू हेर्यो, उस्तै भेटिने । दुव्लाहरू मोटाउनु मात्रै पनि क्रान्ति थिएन । त्यसो त दिलैदेखि परिवर्तन रूचाउने र गर्ने तृष्णा प्रायधेरैमा खासै देखिन्न ।अग्लाहोंचै खोज्नेलाई पनि क्रान्ति चाहिन्न । हाँसका बीचमा बकुल्लैका नियति पनि कठिन रहेछ । स्वार्थीहरूका तैं चुप मैंचुप पनि हेर्नलायक थियो । अाफूलाई भने जितेजस्तै लागिरहेको थियो । एकाधलाई छानै नभएका गोठ बसेजस्तै पराकाष्ठा पीडा अरु भयङ्कर पीडा भएर बल्झिरहेको थियो । न हावा, न पानी , न ओत,न निकास…! बाटाभरि पनि काँढैकाँढाहरू तेर्सिरहेका थिए र पनि उन्मुक्तिका अनुभवले अाफूलाई भने हर्ष लागेथ्यो ।
पोखरा २०७६-११-२४


(२०७६ फाल्गुन २५, आईतवार) ०५:५५ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना