ललिता निवास जग्गा हिनामिना प्रकरणमा चार पुर्वमन्त्री सहित ५४ जना बिरुद्ध पक्राउ पुर्जी जारी

संबाददाता : ओम हमाल     प्रकाशित मिति: (२०७६ फाल्गुन १२, सोमबार) ०५:५२

विशेष अदालतले ललिता निवास जग्गा हिनामिना प्रकरणमा पूर्व भूमिसुधार तथा व्यवस्थामन्त्रीद्वय डम्बर श्रेष्ठ र छविराज पन्तबिरुद्ध पक्राउ पुर्जी जारी गर्दै १५ दिनभित्र अदालतमा उपस्थित हुन म्याद जारी गरेको छ । आइतबार श्रेष्ठसहित २० जनाको नाममा हद म्याद जारी भएको विशेष अदालतका उपरजिस्ट्रार इन्द्रकुमार खड्काले जानकारी दिए ।

अख्तियार दुरुपयोग अनुसन्धान आयोग (अदुअआ)ले एमाले वरिष्ठ नेता माधवकुमार नेपाल नेतृत्वको सरकारमा मन्त्री  बनेका श्रेष्ठसँग ९ करोड ६५ लाख ७६ हजार रुपैयाँ विगो माग दाबी गरेको छ । यस्तै, उनलाई भ्रष्टाचार निवारण ऐन अनुसार आठ वर्षदेखि दशवर्षसम्म कैद सजाय हुनुपर्ने अदुअआले दायर गरेको आरोपपत्रमा उल्लेख छ ।

त्यस्तै अर्का पूर्वमन्त्री छविराज पन्तलाई पनि १५ दिनभित्र अदालतमा उपस्थित हुनुपर्ने गरी म्याद जारी गरेको छ । पन्तले भूमिसुधार तथा व्यवस्था मन्त्रालयको सचिव भएका बेलामा भ्रष्टाचार गरेको अदुअआको आरोपपत्रमा उल्लेख छ ।

विशेष अदालतले अदुअआले ललिता निवास प्रकरणमा एकसय ७५ प्रतिवादी बनाएका मध्ये ५४ जनालाई उपस्थित हुन १५ दिने म्याद जारी गरेको हो ।

ललिता निवासको एकसय ३६ रोपनी सरकारी÷सार्वजनिक  जग्गा हिनामिना गरेको भन्दै अदुअआले गत माघ २२ गते एकसय १० जनालाई कैद सजाय र विगो माग तथा ६५ जनालाई जग्गा फिर्ता प्रयोजनका लागि मुद्दा दायर गरेको थियो ।


(२०७६ फाल्गुन १२, सोमबार) ०५:५२ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना