चौतर्फी दबाबपछि अन्तत: सञ्चारमन्त्री बासकोटाद्वारा राजिनामा

संबाददाता : ओम हमाल     प्रकाशित मिति: (२०७६ फाल्गुन ८, बिहीबार) १५:३७

चौतर्फी दबाबपछि अन्तत: सञ्चार तथा सूचना प्रविधि मन्त्री गोकुल बास्कोटाले राजीनामा दिएका छन् । सेक्युरिटी प्रिन्टिङ प्रेस खरिदका लागि स्वीस एजेन्टसँग ७० करोड कमिसनका लागि कुराकानी भएको अडियो सार्वजनिक भएपछि चौतर्फी दबाबका बीच बास्कोटाले मन्त्री पदबाट  राजीनामा दिएका हुन् ।

सञ्चारमन्त्री बासकोटाको राजिनामा माग गर्दै प्रमुख प्रतिपक्षी दल नेपाली कांग्रेसले संसद अवरुद्ध गरेपछि सभामुख अग्निप्रसाद सापकोटाले सञ्चारमन्त्रीले राजीनामा दिइसकेको अनौपचारिक जानकारी आफुलाई आएको जानकारी दिएका थिए । उनले भने, ‘औपचारिक पत्र त आउने नै छ । मलाई अनौपचारिक रुपमा जानकारी भएअनुसार सम्बन्धित मन्त्रीले राजीनामा दिइसक्नु भएको छ । र, सरकारको ध्यानाकर्षण पनि भइसकेको छ ।’

संसदको बैठकमा प्रमुख विपक्षी कांग्रेसले सञ्चारमन्त्री बास्कोटाको राजीनामा मागेको थियो । साथै सेक्युरिटी प्रिन्टिङ प्रेस खरिदबारे मन्त्रिपरिषद्मा समेत पटकपटक छलफल भएकाले यसको जिम्मा प्रधानमन्त्रीले लिनुपर्ने, यसलाई भ्रष्टाचारको विषय बनाउनुपर्ने उसको माग छ ।

 


(२०७६ फाल्गुन ८, बिहीबार) १५:३७ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना