थरुहट तराई पार्टी फुट्यो, गंगा चौधरीले खोलिन् नयाँ पार्टी

संबाददाता : मोनिका गुरुङ     प्रकाशित मिति: (२०७३ पुष ११, सोमबार) ०२:४५

दुई सांसद भएको थरुहट तराई पार्टी फुटेको छ । र, सांसद गंगा चौधरी (सत्गौंवा)ले नयाँ पार्टी गठन गरेकी छन् । उनले थरुहट तराई पार्टी लोकतान्त्रिक गठन गरेको सूचना सभामुखसमक्ष दिइसकेकी छन् ।

४० प्रतिशत सांसदले नयाँ दल बनाए त्यसले मान्यता पाउने भएकाले गंगाको नयाँ पार्टीले मान्यता पाउने लगभग निश्चित रहेको संसद सचिवालय स्रोतले जनाएको छ । चौधरी थरुहटकी केन्द्रीय उपाध्यक्ष थिइन् । र, संसदको विधायन समितिकी सभापति पनि हुन् ।

थरुहट तराई पार्टीले भने सांसद चौधरीलाई पार्टीबाट निस्कासन गर्ने निर्णय गरेको छ । चौधरीमाथि पार्टी विधान र नीति विपरित काम गरेको र पटक पटक सचेत गराउँदा पनि अनुशासन उल्लंघन गरेको आरोप छ । थरुहट आन्दोलनको अपमान गरेको र व्यत्तिगत स्वार्थका लागि सांसद पद जोगाउन लागेको पनि आरोप लागेको छ । र, उनलाई सांसद पदबाट फिर्ता बोलाउने निर्णय पनि भएको सचिव मिनराज चौधरीले बताए ।


(२०७३ पुष ११, सोमबार) ०२:४५ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना