उखु किसान फेरी ठगिए : निर्धारित समयमा पुरा भुक्तानी पाएनन, सरकारले पनि अनुदान बाँडेन

संबाददाता : ओम हमाल     प्रकाशित मिति: (२०७६ माघ ८, बुधबार) ०९:३१

किसानको बक्यौता रकम तिर्न सरकारले चिनी उद्योगीहरूलाई दिएको म्याद मंगलबार सकिएको छ । सरकारले दिएको ७ माघको म्यादभित्र जम्मा १४ प्रतिशत बक्यौता भुक्तान  गरेका छन् भने उद्यमीबाट पैसा उठाइदिने सहमति गरेको सरकार आफैंले दिनुपर्ने अनुदानसमेत वितरण गरेन ।

तर, किसानले अझै एक अर्ब पाएका छैनन् । त्यति मात्रै होइन, अनुदानबापत सरकारबाट पाउनुपर्ने एक अर्ब ३२ करोड पनि पाएका छैनन् । उद्योगीबाट पीडित किसानले सरकारसँगको लिखित सहमतिमा समेत ठगिएको महसुस गर्दै फेरि आन्दोलनको तयारी गरेका छन् ।

सर्लाहीका किसान काठमाडौं आएर आन्दोलनमा उत्रिएपछि सरकारले गत १८ पुसमा उद्योगीबाट ७ माघभित्र बक्यौता भुक्तानी गराउने प्रतिबद्धतासहित किसानसँग पाँचबुँदे सहमति गरेको थियो । तर, म्याद सकिँदासम्म केही उद्योगी सरकारको सम्पर्कमै आएका छैनन् भने केहीले थप समय माग गरेका छन् । उद्योग विभागका अनुसार किसानलाई तिर्नुपर्ने एक अर्ब १६ करोडमध्ये मंगलबारसम्म उद्योगीले १६ करोड १४ लाख मात्रै भुक्तानी गरेका छन् ।

विभागका अनुसार महालक्ष्मी सुगर मिलले ११ करोड ५० लाख, अन्नपूर्ण सुगर मिलले तीन करोड ९० लाख र इन्दिरा सुगर मिलले ७४ लाख किसानलाई भुक्तानी गरेका छन् । नवलपरासीस्थित लुम्बिनी सुगर मिल र बागमती खाडसारी सुगर मिल, रौतहटस्थित बाबा बैजुनाथ सुगर मिल र कञ्चनपुरस्थित महाकाली सुगर मिलका सञ्चालक अझै सरकारको सम्पर्कमा आएका छैनन् । एभरेस्ट, हिमालयन, इन्दुशंकर, रिलायन्सलगायतका मिलले भने लगभग सबै (प्राविधिक कारण भुक्तानी गर्न कठिनाइ भएकोबाहेक) रकम भुक्तानी गरिसकेको विभागले जनाएको छ ।


(२०७६ माघ ८, बुधबार) ०९:३१ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना