नापी सर्वेक्षक घुससहित पक्राउ

संबाददाता : बुद्धि हमाल     प्रकाशित मिति: (२०७६ पुष २८, सोमबार) २०:३५

नापी कार्यालय बेलबारीका अमिन (सर्वेक्षक) दिनेशकुमार शाहलाई अख्तियार दुरुपयोग अनुसन्धान आयोगको टोलीले ७ हजार रुपैयाँ घुससहित पक्राउ गरेको छ ।

मोरङको बेलबारी नगरपालिका १० भाउन्नेका स्थानीयको जग्गा नापी गरी सीमाङ्कन गर्न साहले सात हजार रुपैयाँ घुस मागेका थिए ।

घुस मागेको सूचना पाएपछि अख्तियार दुरुपयोग अनुसन्धान आयोगको टोलीले साहलाई रंगेहात पक्राउ गरेको अख्तियार इटहरीका प्रवक्ता ज्ञानेन्द्र ढकालले जानकारी दिए । साहलाई अनुसन्धानका लागि अख्तियारको हिरासतमा राखिएको छ ।


(२०७६ पुष २८, सोमबार) २०:३५ मा प्रकाशित

Exchange Rate

Nepali Patro