प्रहरी ज्यादतीविरुद्ध स्कुले विद्यार्थीको प्रतिबाद : डिएसपी शाहीसहित नौजना घाइते, कर्फ्युको तयारी

संबाददाता : ओम हमाल     प्रकाशित मिति: (२०७६ मंसिर २२, आईतवार) १४:४५

आफ्नो साथीको दुर्घटनामा मृत्यु भएपछी दोषीमाथि कारवाहीको माग गर्दै आन्दोलन गरिरहेका स-साना स्कुले बिद्यार्थीहरुलाई प्रहरीले दुर्ब्यबहार गर्न खोजेपछि बिद्यार्थीहरुले प्रहरीको प्रतिबाद गरेका छन्।

बिद्यार्थीहरुले गरेको प्रतिवादका क्रममा प्रदर्शनकारीको ढुंगामुढाबाट कोहलपुरका प्रहरी प्रमुख डीएसपी हेमराज शाहीसहित ९ जना प्रहरी घाइते भएका छन् । अहिले कोहलपुर तनाबग्रस्त बनेको छ।

कडा प्रदर्शनमा उत्रिएका स्कुले बालबालिकालाई लक्ष्यित गर्दै प्रहरीले हवाई फायर र अश्रु ग्याँस हानिरहेको छ।  स्थिति तनावग्रस्त भएपछि प्रहरीले बल प्रयोग गरेको छ ।

आइतवार बिहान कोहलपुर–नेपालगञ्ज सडकखण्ड अन्तर्गत हाइस्कुल चोकमा ट्रकको ठक्करबाट त्रिभुवन उच्च माध्यामिक विद्यालयमा कक्षा ७ मा अध्ययनरत कोहलपुर –१० की प्रकृति चन्दको मृत्यु भएको थियो । स्कुले बालिकाको मृत्यु भएपछि आक्रोशित विद्यार्थीहरुको समूहले ट्रकमा आगजनी गरेका छन् ।

आक्रोशित विद्यार्थीहरुद्वारा आगजनी गरिएको ट्रक

प्रहरीले हवाई फायर गरिरहेको छ भने विद्यार्थीहरुले ढुंगामुडा गरिरहेका छन्। अहिले ठुलो संख्यामा विद्यार्थीहरु सडकमा आएका छन्। आक्रोशित विद्यार्थी र स्थानीयहरुले ठक्कर दिने ट्रकमा आगजनी गर्नुका साथै करिब ७ वटा सवारीका साधानमा तोडफोड गरेका छन् । विद्यार्थीहरुले राजमार्ग र सडक ठप्प पारेका छन् ।

स्थिति नियन्त्रण लिन प्रहरीले १५ राउण्ड हवाइ फायर गरेको छ। दर्जनौं राउन्ड अश्रुग्यास हानेको छ। घटनामा केही विद्यार्थी घाइते भएका छन् । आक्रोसित विद्यार्थीहरूले सडकमा रोकिएका आधा दर्जन बढी गाडीहरूको सिसा फुटाइदिएका छन् । उनीहरुले चोकमा टायर बालेर यातायात आवागमन अवरुद्ध पारेका छन् ।

यसैबीच, बाँकेका सहायक प्रमुख जिल्ला अधिकारी कृष्णकान्त उपाध्यायले अवस्था बिग्रिरहेको भन्दै कर्फ्यू लगाउने अवस्थामा पुगेको बताए ।


(२०७६ मंसिर २२, आईतवार) १४:४५ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना