माथिल्लो पदका सैनिकहरूलाई नदेखेको जस्तै गर्ने र सलामी नगर्ने ३० सैनिकमाथि कारबाही

संबाददाता : ओम हमाल     प्रकाशित मिति: (२०७६ मंसिर २, सोमबार) ११:१६

 

नेपाली सेनाले बिगत सात महिना अवधिमा आफूभन्दा माथिल्लो पदमा कार्यरत सैनिकलाई सलामी नगर्ने ३० जनामाथि कारबाही गरेको छ ।
आफूभन्दा माथिल्लो पदमा रहेका सैनिकहरूलाई नदेखेको जस्तै गर्ने र देखेर पनि सलामी नगर्ने ३० जनामाथि वैशाखयता कारबाही भएको सैनिक मुख्यालयले जनाएको छ। उनीहरूलाई सैनिक नियमअनुसार अनुशासनविपरीत आचरण गरेको भन्दै सचेत गराइएको सैनिक प्रवक्ता विज्ञानदेव पाण्डेले जानकारी दिए ।

सैनिक प्रवक्ता विज्ञानदेव पाण्डेले नेपाली सेनाको आफ्नै नियमकानुन रहेको र सैनिक नियमको उल्लंघन गर्नेहरू उपरकारबाही भएको जनाए । उनले सलामी नगर्ने सैनिकहरूलाई भविष्यमा त्यसो नगर्ने गरी सचेत गराइएको जानकारी दिएका हुन् ।

प्रधान सेनापति पूर्णचन्द्र थापाले २४ भदौ २०७५ बाट नेपाली सेनाको जिम्मेवारी लिएपछि सेनालाई अनुशासित बनाउन पुरस्कार र दण्ड सजायसम्बन्धी निर्देशिका नै तयार गरेका छन् ।

यसै गरी

सैनिक मुख्यालयले विगत ६ वर्षमा विभिन्न पदमा रहेका २ हजार ७ सय १५ जना सैनिकमाथि विभागीय कारबाही गरेको छ । नेपाली सेनाका विभिन्न पदमा रहेर सैनिक ऐनविपरित काम गरेको भन्दै सैनिक मुख्यालयले २०७१ देखि २०७६ को हालसम्म २ हजार ७ सय १५ जना सैनिकमाथि कारबाही गरेको हो ।

सेनामा जागिर खाएर भागेकादेखि अनुशासन तथा आचरणविपरित काम गर्ने, कर्तव्य ज्यान मुद्दामा मुछिएका, जबरजस्ती करणी, चोरी, ठगी , लागूऔषध कारोबारमा मुछिएका, हातहतियार तथा खरखजानामा मुछिएकासम्मलाई सैनिक मुख्यालयले कारबाही गरेको हो।


(२०७६ मंसिर २, सोमबार) ११:१६ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना