अत्याधुनिक अटोमेटिक पेस्तोलसहित दुई जना पक्राउ

संबाददाता : ओम हमाल     प्रकाशित मिति: (२०७६ कार्तिक २८, बिहीबार) १६:४२

अत्याधुनिक पेस्तोलसहित दुई जनालाई प्रहरीले आज चितवनबाट पक्राउ गरेको छ।  हाल इलाका प्रहरी कार्यालय भण्डारा चितवनको हिरासतमा रहेका अभियुक्तहरुमा दाङ तुलसीपुर नगरपालिका–१२ धनोवरी बस्नेत ३७ वर्षीय मधुकर केसी र सल्यानको रिम गाउँपालिका–५ बस्ने ३३ वर्षीय नारायण बुढाथोकी रहेका छन् ।

उनीहरुको साथबाट मेडइन युएसए लेखिएको अटोमेटिक पेस्तोल एक थान र लोड गरिएको अवस्थामा ५ राउण्ड गोली बरामद गरिएको प्रहरी स्रोतले जनाएको छ ।

पूर्वीचितवनको राप्ती नगरपालिका–६ हर्दीस्थित पूर्वबाट पश्चिमतर्फ जाँदै गरेको बा ८५ प ८०८४ नम्बरको मोटरसाइकलमा सवार उनीहरुको खानतलाशी क्रममा उक्त अत्याधुनिक हतियार बरामद गरिएको प्रहरीको भनाई छ।

राप्ती नगरपालिका–६ हर्दीमा गस्तीमा रहेको भण्डारा प्रहरी कार्यालयका प्रहरीलाई देखेपछि भाग्न खोजेपछि रोकेर खानतलाशी गरिएको प्रहरीको दाबी छ।

उनीहरुले के प्रयोजनका लागि उक्त हतियार लिएर हिंडेका हुन् भन्ने बारेमा आबस्यक अनुसन्धान चलिरहेको प्रहरीले जानकारी दिएको छ ,


(२०७६ कार्तिक २८, बिहीबार) १६:४२ मा प्रकाशित

Exchange Rate

Nepali Patro