फेरी सर्बोच्च अदालत गेटबाट गिरफतार ने.क.पा. कास्की इन्चार्ज रुपेशलाई लमजुङ्ग पुर्याइयो

संबाददाता : मोनिका गुरुङ     प्रकाशित मिति: (२०७६ आश्विन १८, शनिबार) १३:१३

सर्वाेच्च अदालतले रिहा गर्न अादेश दिए पनि अदालत गेटबाटै गिरफ्तार विप्लव नेतृत्वकाे ने.क.पा. कास्कीका ईञ्चार्ज कृष्ण वाग्ले “रूपेश”लाई गएराति तीन बजेतिर जिल्ला प्रहरी कार्यालय लमजुङ पुर्याइएकाे छ ।

ईञ्चार्ज कृष्ण वाग्ले “रूपेश”लाई सर्वाेच्च अदालतका माननीय न्यायाधीश अानन्दमाेहन भट्टराईकाे एकल इजलाशले हिजो थुनामुक्त गर्न अादेश दिएकाे थियाे ।
उनलाई पक्राउ पुर्जी नदिई महानगरीय प्रहरी परिसर टेकु काठमाडौकाे प्रहरी भ्यानमा राखेर लगिएको थियाे ।
उनले जनसञ्चार डट कमका सम्पादक अाेम हमाललाई अन्तरवार्ता दिने तयारी गरिरहेका बखत गएकाे भदौ ६ गते पाेखरा महानगरपालिका वडा नं ३३ खुदीबाट प्रहरीले दुवै जनालाई गिरफ्तार गरेकाे थियाे ।
पत्रकार हमाल सर्वाेच्च अदालतकाे दुई पटककाे रिहा गर्ने अादेशपछि भदौ २४ गते रिहा भैसकेका छन् । तर प्रहरीले नेता रूपेशलाई पटक पटक गिरफ्तार गर्दै झुट्ठा मुद्दा लगाउँदै प्रहरी हिरासतमा राख्दै अाएकाे छ । नेता रूपेश गिरफ्तार भएदेखि कास्की, स्याङ्जा, तनहुँ र गाेर्खा जिल्लाका प्रहरी हिरासतमा पुर्याइएकाे छ ।


(२०७६ आश्विन १८, शनिबार) १३:१३ मा प्रकाशित

Exchange Rate

Nepali Patro