म्याचमा हिमालयन फुटबल क्लब ४-० गोल अन्तरले बिजयी

संबाददाता : योञ्जन तामाङ     प्रकाशित मिति: (२०७६ आश्विन १२, आईतवार) ०७:४८

 

मलेसिया स्थित मडेका स्टिडियममा सेप्टेम्बर २८ मा सम्पन्न नेपाली कलाकार र हिमालयन फुटबल क्लब बिचको मैत्रीपुर्ण फुटबल म्याचमा हिमालयन फुटबल क्लब ४-० गोल अन्तरले बिजयी भयो ।

उक्त खेलमा नेपाली कलाकार टिमबाट नेपाली कांग्रेसका केन्द्रीय नेता प्रदिप पौडेल, प्रसिद्ध नायक धिरन शाक्य र बकस अफिस इन्टनेशनल ग्रुपका संयोजक राम बहादुर सुवेदी लगायत कलाकारहरु सहभागी थिए साथै हिमालयन फुटबल क्लबको तर्फबाट हिमालयन फुटबल क्लब, मलेसियाका अध्यक्ष सन्तोष कार्की, टिम म्यनेजर राजु तामाङ र खेलाडिहरु सहभागी थिए ।

खेलको समापन समारोहमा हिमालयन फुटबल क्लबको तर्फबाट अध्यक्ष सन्तोष कार्ककीले नेपाली कलाकार टिमलाई मायाको चिनो प्रदान गरे भने बकस अफिस ईन्टरनेशनल ग्रुपको तर्फबाट खेलका बिजेता, उप बिजेता र सहयोगीलाई मेडल प्रदान गरि धिरन शाक्य, राम बहादुर सुवेदी र प्रदिप पौडेलले सम्मान गरेका थिए ।

पत्रकार सम्मेलनमा बोल्दै नायक धिरन शाक्यले यो खेल स्वास्थ र सम्बन्ध सुधारको लागि खेलिएको हो । हामी मलेसियामा विश्व परिक्रमा नागरिक सम्मान मलेसिया २०१९ कार्यक्रमको लागि आएकाे हो । यो नेपाल र नेपालीले गर्व गर्नु पर्ने कार्यक्रम हो जसमा मेरो सधै सहभागीता र सहयोग रहेको बताए ।

यसैगरी बकस अफिस ईन्टरनेशनल अवार्ड तथा कार्यक्रम सगरमाथाको बेसक्याम्प  देखि समुन्द्र मुनि सम्म सम्पन्न गरि गिनिजबुक वल्ड रेकर्ड कायम गर्न सफल भईसकेको र हाल पनि तेसै अभियानमा बिश्वपरिक्रमा नागरिक सम्मान कार्यक्रम २०१९ मलेसियाको लागि आएको र मलेसियामा रहेको नेपालीहरुलाई विभिन्न ५ बिधाका अवार्डबाट यहि सेप्टेम्बर २९ तारिख होटेल ग्रण्ड कन्टिनेन्टल मलेसियामा सम्मान गरिने बक्स अफिसका संयोजक सुबेदिले बाताए । साथै यसै कार्यक्रममा समाज सेवि तिल बहादुर कार्की र कार्कीको अभियान सम्बन्धि डकुमेन्ट्री प्रदर्शन कार्यक्रम पनि रहेको सुबेदिले जानकारी दिए ।


(२०७६ आश्विन १२, आईतवार) ०७:४८ मा प्रकाशित

Exchange Rate

Nepali Patro