ने.क.पा. कास्कीका जिल्ला ईञ्चार्ज कृष्ण वाग्ले “रूपेश”लाई अाज साधारण तारेखमा छाड्न जिल्ला अदालतले अादेश दिएकाे छ

संबाददाता : योञ्जन तामाङ     प्रकाशित मिति: (२०७६ आश्विन ९, बिहीबार) २१:११

 

जिल्ला अदालत कास्कीले विप्लव नेतृत्वको ने.क.पा. कास्कीका जिल्ला ईञ्चार्ज कृष्ण वाग्ले “रूपेश”लाई अाज साधारण तारेखमा छाड्न अादेश दिएकाे छ । माननीय न्यायाधीश दण्डपाणि शर्माको एकल इजलाशले नेता रूपेशलाई साधारण तारेखमा छाड्ने अादेश दिएकाे हाे ।

राज्यविरूद्धकाे कसुर, सस्ताे बजारमा भएकाे  बिष्फाेटन सम्बन्धि र एनसेल टावरमाथि अाक्रमण गरि उपद्राेह मच्चाएकाे समेतका तीन वटा अाराेप लगाउँदै जिल्ला प्रहरी कार्यालय कास्कीले जिल्ला सरकारी वकिलको कार्यालय कास्की मार्फत जिल्ला अदालत कास्कीमा मुद्दा दायर गरेकाे थियाे ।

नेता रूपेशकाे तर्फबाट अधिवक्ताहरू गाेविन्द पाैडेल, सन्ताेष काेइराला, तिलक काेइराला र गाेविन्द अधिकारी समेतले बहस गरेका थिए ।

जिल्ला अदालतले उनलाई साधारण तारेखमा छाड्ने अादेश दिएपनि जिल्ला प्रहरी कार्यालय कास्कीले उनलाई अदालतकाे अादेश विपरीत पुनः गिरफ्तार गरि हिरासतमा लिएकाे छ ।

अदालतकाे अादेशले रिहा गरेपनि पुनः गिरफ्तार गरिए पछि फेरि बेपत्ता पार्न लागिएको हाे कि भन्दै उनका अाफन्तले चिन्ता प्रकट गरेका छन् ।


(२०७६ आश्विन ९, बिहीबार) २१:११ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना