भारतलाई पाकिस्तानी मन्त्रीको चेतावनी– औंला उठाए हात भाँचिदिन्छौं

संबाददाता : बुद्धि हमाल     प्रकाशित मिति: (२०७६ भाद्र ९, सोमबार) २०:०४

कश्मीर मामिलालाई लिएर भारत र पाकिस्तानबीच बढ्दो तनाव घट्ने कुनै संकेत देखिएको छैन । बरु, राजनीतिक स्तरमा दुवै मुलुकका नेताहरु उत्तेजित हुँदै प्रतिक्रिया व्यक्त गरिरहेका छन् ।

यसै क्रममा आइतबार लाहोरमा पत्रकारहरुसँग कुरा गर्दै पाकिस्तानका विज्ञान तथा प्रविधि मन्त्री फवाद चौधरीले भारतीय प्रधानमन्त्री नरेन्द्र मोदीलाई लक्षित गर्दै कडा प्रतिक्रिया व्यक्त गरेका छन् । उनले भने, ँनरेन्द्र मोदी फासीवादी हुन्, दोस्रो पटक चुनाव जितेर आएपछि उनी केही बढी नै घमण्डी भएका छन् ।’

उनले क्षेत्रीय स्तरमा भारतले शान्ति चाहेमा आफूहरु शान्तिकै पक्षमा रहने र युद्ध चाहेमा आफूहरु पनि तयार रहेको चेतावनीसमेत दिए । ँजस्तोसूकै परिस्थितिका लागि हामी तयार छौं,’ उनले भने, ँहामीतिर औंला उठाउने हो भने हामी हात भाँचिदिन्छौं, मुक्का देखाउँछौं भने दाँत झारिदिन्छौं ।’

उनले पाकिस्तानी कुटनीतिक गतिविधि सही दिशातिर गइरहेको जिकिर गर्दै उनले संयुक्त राष्ट्रसंघमा पाकिस्तानले यो विषयलाई जोडदार रुपमा उठाउने बताए ।

यसअघि पाकिस्तानका रेलमन्त्री शेख रासिदले आइतबार पाकिस्तान प्रशासित कश्मीरको मुजफ्फरावादमा पत्रकारहरुसँग कुरा गर्दै भारतले पाकिस्तानमाथि हमला गरेमा उपमहाद्वीपमा भारतको नक्सा नै परिवर्तन हुने चेतावनी दिएका थिए । ९एजेन्सी०


(२०७६ भाद्र ९, सोमबार) २०:०४ मा प्रकाशित

Exchange Rate

Nepali Patro