बाढीले ढलेका चार सिमा स्तम्भ निर्माणमा अन्यौलता

संबाददाता : ओम हमाल     प्रकाशित मिति: (२०७६ भाद्र ३, मंगलवार) १६:२२

मनोज श्रीवास्तव/ कपिलवस्तु ।

गत अषाढ २८ गते आएको बाढिले ढलेका सीमास्तम्भ निर्माणमा अन्योलता देखिएको छ । सीमास्तम्भ निर्माणका लागि नेपाल र भारतका दुई देशिय केन्द्रियस्तरको सर्वेक्षक सहितको प्राबिधिक टोलीको आवश्यकता पर्ने भएकाले सीमास्तम्भ कहिलेसम्म निर्माण हुने सो बारे अन्योलता बढदै गएको हो ।

एक महिना अघिको बर्षाको भेलले बिजयनगर गाँउपालिका – ५ स्थित चिरई खोलाका ४ वटा सीमास्तम्भ ढलेका हुन । विजयनगर गाउपालिका–५, ठकुरापुर र भारतको बलरामपुर जिल्ला गिद्धहवा सीमामा रहेको पिलर नं. ५७८\७ र त्यस्को आधा कि.मी उत्तर पिलर नं. ५७८\१० पानीमा लडेको छ । गाउँपालिकाको वार्ड नं. ६ गेडुवाजोत र भारतको प्रतापपुरको सीमा रहेको पिलर नं. ५७७\७ र ५७७\९ ढलेका छन् । ५७७\९ नंबर पिलर तेस्रो परेर वालुवामा धसिएको छ भने ५७७\७ पानीमा डुबेर देखिनै छोडेको छ । उता विजयनगर गाउपालिका–१, चमरका जंगलमा अरर्रा नदीको भेलले २ वटा सीमा स्तम्भ क्षतिग्रस्त बनेको खुल्न आएको छ ।

सीमास्तम्भ लडेको महिना दिन हुदाँ समेत सिमा स्तम्भको निर्माणका लागि कुनै पहल नभएको स्थानीय बताउछन् । बिगतमा सीमास्तम्भ निर्माण गर्दा गुणस्तरिय काम नगर्दा सानो भेलमा नै सिमास्तम्भमा क्षति पुगेको स्थानीयको आरोप छ ।

बर्षाको भेलले सीमास्तम्भ लडाए सँगै शसस्त्र प्रहरी बल र नेपाल प्रहरीले सीमास्तम्भको निगरानी गर्दै आएको छ । सीमास्तम्भ निर्माणका लागि दुई देशिय टोलीकै आवश्यकता पर्ने भएकाले सो का लागि केन्द्रियस्तरकै पहल आवश्यक देखिएको छ ।

सीमास्तम्भ ढलेको बिषयमा सम्बन्धित निकायमा सुचना प्रवाह गर्नुका साथै ति स्थानको नियमित निगरानी गरिएको सशस्त्र प्रहरी बल नेपाल २८ नम्बर गण कपिलबस्तुका गणपति शसस्त्र प्रहरी उपरिक्षक जनक पुरीले जानकारी दिए ।

कपिलवस्तु जिल्ला सँग भारतको उत्तर प्रदेशको सिद्धार्थनगर र बलरामपुर जिल्ला जोडिएका छन । दुई देशका सिमामा ४६ मुख्य सीमास्तम्भ, २ सय २६ सहायक सिमास्तम्भ र २ सय ६० साना सिमास्तम्भ गरि कुल ५ सय ३२ सिमा स्तम्भ छन् ।


(२०७६ भाद्र ३, मंगलवार) १६:२२ मा प्रकाशित

°
Weather from OpenWeatherMap

मुख्य समाचार

सबै

माथिल्लो पदका सैनिकहरूलाई नदेखेको जस्तै गर्ने र सलामी नगर्ने ३० सैनिकमाथि कारबाही

  नेपाली सेनाले बिगत सात महिना अवधिमा आफूभन्दा माथिल्लो पदमा कार्यरत सैनिकलाई सलामी नगर्ने ३० जनामाथि कारबाही गरेको छ । आफूभन्दा माथिल्लो पदमा रहेका सैनिकहरूलाई नदेखेको जस्तै गर्ने र देखेर पनि सलामी.....

नेपाली मिडियालाई बेवास्ता गर्दै १३ औं दक्षिण एसियाली खेलकुदको ब्रोडकास्टिङ अधिकार भारतीय कम्पनीलाई प्रदान

नेपाली संचार माध्यमलाई बेवास्ता गर्दै नेपाल ओलम्पिक कमिटी र राष्ट्रिय खेलकुद परिषद् (राखेप) ले १३औं दक्षिण एसियाली खेलकुद (साग) को बोडकास्टिङ अधिकार भारतीय कम्पनी एन के मिडिया भेन्चर.....

ने.क.पा. समर्थक भन्दै पत्रकार राजकुमार घिमिरे फेरी पक्राउ

बिप्लव नेतृत्वको नेपाल कम्युनिष्ट पार्टी समर्थक रहेको भन्दै सञ्चारकेन्द्र डटकमका पोखरा प्रतिनिधि पत्रकार राजकुमार घिमिरेलाई प्रहरीले फेरी पक्राउ गरेको छ। उनलाई जिल्ला प्रहरी.....

Exchange Rate

Nepali Patro