भारत-पाकिस्तान सीमामा गोली हानाहान : तीन पाकिस्तानी र पांच भारतीय सैनिकको मृत्यु

संबाददाता : ओम हमाल     प्रकाशित मिति: (२०७६ श्रावण ३०, बिहीबार) १९:००

कस्मिरको ‘लाइन अफ कन्ट्रोल’ मा भारतीय सेनासँग गोली हानाहान हुँदा ८ जनाको मृत्यु भएको पाकिस्तानले बताएको छ।

पाकिस्तानी सेनाका प्रवक्ता आशिफ गफुरले बिहीबार साँझ ट्वीट गर्दै दोहोरो गोली हानाहानमा तीन जना पाकिस्तानी सेनाले सहादत पाएको उल्लेख गरेका छन्।

उनले मृत्यु हुने तीन जना सैनिकको तस्वीर पनि ट्वीटरमा राखेका छन्। पाकिस्तानी सेनाका नायक तन्धिर, लान्से नायक तैमुर र सेपोय रमाजनको मृत्यु भएको उनको ट्वीटमा उल्लेख छ।


गफुरले जम्मु कस्मिरको खराब अवस्थाबाट ध्यान अन्तै मोड्न भारतीय सेनाले एलओसीमा गोलाबारी गर्दा तीन पाकिस्तानी सैनिकको मृत्यु भएको जनाएका छन्।

‘पाकिस्तानी सेनाले पनि प्रभावकारी ढंगले आक्रमणको जवाफ दियो। पाँच भारतीय सैनिक मारिएका छन्। धेरै घाइते छन्। बंकरहरू ध्वस्त पारिएका छन्। गोली हानाहान जारी छ,’ गफुरले ट्वीटमा लेखेका छन्।

यसअघि गत अगष्ट ५ मा भारतले जम्मु कस्मिरलाई विशेष मान्यता दिने संविधानको धारा ३७० खारेज गरेर जम्मु कस्मिर र लद्दाखलाई दुई केन्द्र शासित क्षेत्रमा बाँडेको थियो।

पाकिस्तानले नरेन्द्र मोदी सरकारको उक्त निर्णय एक पक्षीय र गैरकानुनी भएको भन्दै विरोध जनाएको थियो।

भारतसँग कूटनीतिक सम्बन्ध तोडेको पाकिस्तानले उक्त निर्णयको विरोधमा जुनसुकै हदसम्म जान पनि तयार रहेको बताएको थियो।

पाकिस्तानी प्रधानमन्त्री इमरान खानले मोदी सरकार जर्मनीका शासक हिटलरको बाटोमा हिँडिरहेकोले यसलाई रोक्नुपर्ने बताएका थिए।


(२०७६ श्रावण ३०, बिहीबार) १९:०० मा प्रकाशित

°
Weather from OpenWeatherMap

मुख्य समाचार

सबै

नेपाल र चीनबीच १७ वटा सम्झौतामा हस्ताक्षर

नेपाल र चीनबीच १७ वटा सम्झौतामा हस्ताक्षर भएको छ । सम्झौता, सहमति र साझेदारी पत्र गरी १७ वटा विषयमा हस्ताक्षर भएको छ । चिनियाँ राष्ट्रपति सी चिनफिङ र प्रधानमन्त्री केपी शर्मा ओलीको उपस्थितिमा सहमति तथा.....

बम काण्डमा संलग्न भएको आरोपमा नेपाली कांग्रेसका सांसद आलम पक्राउ

०६४ सालको बम काण्डमा संलग्न भएको आरोपमा नेपाली कांग्रेसका सांसद मोहम्मद अफ्ताव आलमलाई प्रहरीले आइतबार विहान रौतहटको गौरबाट पक्राउ गरेको छ । मन्त्रीसमेत भइसकेका आलम रौतहट क्षेत्र नं. २.....

पृथ्वी घुम्न छोडेन, “पृथ्वीमाथि प्रतिवन्ध लगाऊ चाँडो !” : परशुराम कोइराला

"पृथ्वीमाथि प्रतिवन्ध लगाऊ चाँडो !" महामिम अादेश हो यो किनभने पृथ्वी घुम्न नरोकिएको देखेर महामिमहरू सबै विलखमन्द छन् । ....घुम्न प्रतिबन्धै लगाए पनि पृथ्वी घुम्न अझै छोडेन र त महामिमहरु.....

Exchange Rate

Nepali Patro