आफ्नो आधार क्षेत्रमा प्रवेश गरेको भन्दै मुख्यमन्त्री लक्ष्यित गरेर बम बिष्फोट

संबाददाता : ओम हमाल     प्रकाशित मिति: (२०७६ श्रावण ३०, बिहीबार) १६:४७

समानान्तर सत्ता चलाइरहेको दाबी गर्ने बिप्लव नेतृत्वको नेपाल कम्युनिष्ट पार्टीले आफ्नो आधार क्षेत्र मानिएको कालिकोट जिल्लाको विभिन्न गाउँहरुमा पुगेका कर्णाली प्रदेशका मुख्यमन्त्री महेन्द्रबहादुर शाहीको बिरोधमा बम बिस्फोट गराएका छन्।

आफ्नो गृह जिल्ला र जन्मथलो रहेको कालिकोट पुगेका मुख्यमन्त्री शाहीबिरुद्ध उनलाई लक्षित गरी बुधबार पचाल झरनाको फेदमा र बिहिबार रास्कोटमा बम बिस्फोट गराएका हुन्।

सार्वजनिक जीप चढेर आफ्नो निर्वाचन क्षेत्र घुम्न जाँदै मुख्यमन्त्री महेन्द्र बहादुर शाही
सार्वजनिक जीप चढेर आफ्नो निर्वाचन क्षेत्र घुम्न जाँदै मुख्यमन्त्री महेन्द्र बहादुर शाही

जिल्ला प्रहरी कार्यालय कालिकोटका प्रमूख डीएसपी विनोद शर्माका अनुसार, बुधबार बेलुका पचालझरना गाँउपालिकाले आयोजना गरेको सभामा सम्बोधन गरिरहेका बेला कार्यक्रम स्थलबाट ५ किलोमिटर टाढा दुईवटा बम विस्फोट गराइएको थियो भने बिहीबार बिहान १० बजे रास्कोट नगरपालिकाको मौलाकोटमा पनि दुई बटा बम विस्फोट भए ।

डीएसपी शर्मासहित २६ जना प्रहरीको टोली मुख्यमन्त्री शाहीको सुरक्षामा खटिएका छन्। प्रहरीको कडा सुरक्षा घेरामा संचालन भैरहेको कार्यक्रममा बोल्दै बेला मुख्यमन्त्री शाहीले विप्लव नेतृत्वको ने.क.पा.का नेता कार्यकर्तालाई मूलधारको राजनीतिमा आउन आग्रह गरे । उनले जनयुद्धको उपलब्धिकै कारण आफूहरुले सरकारको नेतृत्व गरिरहेको बताउदै केही असन्तुष्टि राखेर टाढा–टाढा बम पट्काउँदैमा केही उपलब्धि नहुने स्पष्ट पारे।

यसैबीच विप्लव नेतृत्वको नेकपाका जिल्ला सेक्रेटरी मनीलाल ऐडीले मुख्यमन्त्री शाहीसहित ठूलो सुरक्षा फौज आफ्नो अनुमति बिना आधार इलाका प्रबेश गरेकाले सांकेतिक रुपमा प्रतिरोध गरिएको बताए। ‘अहिले संसदीय दलाल राज्य सत्ता र नेकपाको जनसत्ता बीचको लडार्इं चलिरहेको छ।’ एैडीने भने–‘हामीले प्रतिबन्ध लगाएको सत्ताका मान्छेहरु आउँदासांकेतिकरुपमा बम बिस्फोट गराएर विरोध जनाएका हौं।’ अझै अटेर गरी आफ्नो आधार इलाकामा गतिबिधि बढाए सशक्त प्रतिकार गर्ने उनले चेतावनी दिए।

सरकारका मान्छे जनताका आवश्यकता पूरा गर्न, जनताका पीडा बुझ्न भन्दापनि फूलमाला र अबिर लगाउन आएकाले आफूहरुले विरोध गरेको उनले दाबी गरे।


(२०७६ श्रावण ३०, बिहीबार) १६:४७ मा प्रकाशित

°
Weather from OpenWeatherMap

मुख्य समाचार

सबै

प्रहरीसंग भनाभन गरेको आरोप लागेका सैनिक जवान कंडेल प्रहरी चौकीबाट भाग्न खोज्दा मृत्यु

मादक पदार्थ सेवन गरी ड्युटीमा रहेका प्रहरीसंग भनाभन गरेको आरोपमा पक्राउ परेका एकजना सैनिक जवानको प्रहरी चौकीको बरण्डाबाट हामफालेर भाग्ने क्रममा आज बिहान ७ः३० बजे मृत्यु भएको छ । चितवन जिल्लाको.....

अकुत सम्पत्ति कमाउने तीन मेडिकल कलेजमा अख्तियारद्वारा छापा, ठगीमा मुद्दा चलाउने तयारी

मेडिकल शिक्षाका नाममा सरकारले तोकेको भन्दा बढी रकम असुली गरेर अकुत सम्पत्ति कमाएको आशंकामा सम्पत्ति शुद्धीकरण अनुसन्धान विभागले तीन वटा मेडिकल कलेजमा आइतबार छापा मारेको छ । विभागले नोबल.....

अख्तियारद्वारा सामाजिक सेवा ईकाई सञ्चालन गर्न दिने प्रक्रिया रद्द गर्न पोखरा स्वास्थ्य विज्ञान प्रतिष्ठानलाइ निर्देशन

अख्तियार दुरुपयोग अनुसन्धान आयोग पोखराले अस्पतालमा सामाजिक सेवा ईकाई सञ्चालन गर्न दिने प्रक्रिया रद्द गर्न पोखरा स्वास्थ्य विज्ञान प्रतिष्ठानलाइ निर्देशन दिएको छ। सामाजिक सेवा ईकाई.....

Exchange Rate

Nepali Patro