प्रदेश मन्त्री खत्रीलाई तीन दिनभित्र पक्राउ गर्न अदालतको आदेश

संबाददाता : ओम हमाल     प्रकाशित मिति: (२०७६ श्रावण २८, मंगलवार) २३:००

कर्णाली प्रदेशका भौतिक पूर्वाधार विकास मन्त्री खडकबहादुर खत्रीलाई तीन दिनभित्र पक्राउ गरी अदालतमा पेश गर्न उच्च अदालत पाटनले आदेश दिएको छ।

 बैंकिङ कसूर मुद्दामा दोषी ठहर गर्दै उच्च अदालत पाटनले प्रदेश मन्त्री खत्रीलाई पक्राउ गरी अदालतमा पेश गर्न पेश गर्न आदेश दिएको हो  ।

कृषि विकास बैंकले दायर गरेको बैंकिङ कसूरसम्बन्धी मुद्दामा प्रतिवादी बनाइएका खत्रीलाई ३ दिनभित्र अदालतमा पश गर्न सरकारी वकिल कार्यालयमार्फत प्रहरीलाई आदेश दिएको छ ।

कृषि विकास बैंक मुख्य शाखा कार्यालय काठमाडौंका कामु शाखा प्रबन्धक गोकुल प्रसाद पनेरुले दायर गरेको बैंकिङ कसूर मुद्दामा प्रतिवादी बनाइएका छविलाल ढकाल, रणधीर तुम्बा र देवलाल शाही पक्राउ परिसकेका छन् भने मन्त्री खत्री र राजुप्रसाद श्रेष्ठ फरारको सूचीमा छन् ।

उच्च अदालतका न्यायाधीश श्रीकान्त पौडेल र टेकप्रसाद ढुंगानाको संयुक्त इजलासले सोमबार प्रतिवादी खत्री कर्णाली प्रदेशको भौतिक पूर्वाधार मन्त्री बहाल रहेको भए ३ दिनभित्र अदालतमा पेश गर्न आदेश दिएको हो । त्यस्तै राजुप्रसाद खत्रीलाई मुलुकी फौजदारी संहिताअनुसार समाह्वान जारी गर्न आदेश दिइएको छ ।

उनीहरुले एडभान्स पेमेन्ट ग्यारेन्टीका लागि सन् २०१६ को जुन १० मा ५५ लाख ५० हजार र नोभेम्बर ४ मा ५५ लाख ३० हजार बराबरको कीर्ते बैंक ग्यारेन्टी पेश गरे बैंकलाई हानी नोक्शानी पु¥याएको कृषि विकास बैंकको दाबी छ ।


(२०७६ श्रावण २८, मंगलवार) २३:०० मा प्रकाशित

मुख्य समाचार

सबै

नेपालभित्रको सामाजिक दलाल पुँजीवादका विशेषताहरु : विप्लव

हामीले केपी—प्रचण्डहरूलाई ‘सामाजिक दलाल पुँजीवादी’ र उनीहरूले नेतृत्व गरेको सरकारलाई सामाजिक दलाल पुँजीवादी सरकार भनेपछि स्वाभाविक रूपमा सबैमा जिज्ञासा पैदा हुन्छ– के त्यस्ता ठोस कारणहरू रहेका छन् जसले.....

उपचुनावलाई प्रभाव पार्न कहीं कम्बल, कहीं पाइप वितरण, शिक्षक पनि सरुवा

भनिन्छ, लोकतन्त्रमा जनताको अभिमत लिन चुनाव अनिवार्य हुन्छ।  तर संसदीय व्यवस्थामा चुनावलाई निश्पक्ष हुन् नदिन र आफ्नो पक्षमा पार्न चुनावका बेला साम, दाम, दण्ड, भेदको नीति अपनाउने.....

कञ्चनपुरका चर्चित पत्रकार एबम दैनिक मानसखण्डका सम्पादक खेम भण्डारी पक्राउ

करीब डेढ वर्ष हुँदा पनि वलात्कार पछि हत्या गरिएकी कन्चनपुरकी बालिका निर्मला पन्तको हत्यारा पत्ता लगाउन नसकेको सरकारले सो हत्याकाण्डमा दोषीमाथि कडा कारवाहीको माग गर्ने कञ्चनपुरका.....

Exchange Rate

Nepali Patro