चलचित्र निर्माता छबि ओझा र नायिका शिल्पा पोखरेललाई प्रहरीले पक्राउ गर्ने

संबाददाता : ओम हमाल     प्रकाशित मिति: (२०७६ श्रावण २५, शनिबार) ०८:५९

अन्तत: नायिका शिल्पा पोखरेललाई प्रहरीले पक्राउ गर्ने भएको छ।  उच्च अदालत पाटनले नायिका शिल्पा पोख्रेलको पक्षमा अन्तरिम आदेश जारी गर्न अस्विकार गरे पछि नायिका पोखरेललाई प्रहरीले पक्राउ गर्ने भएको हो ।

जिल्ला अदालत काठमाडौंले निर्देशक छबि राज ओझा र नायिका पोख्रेल विरुद्ध बहुविवाहको मुद्दामा पक्राउ पुर्जी जारी भएपछि त्यसविरुद्द शिल्पा गत साउन १६ मा निषेधाज्ञाको मुद्दा लिएर उच्च अदालत पाटन गएकी थिइन । तर न्यायाधीशद्दय रमेशप्रसाद राजभण्डारी र सरलाकुमारी पाण्डेको इजलाशले शिल्पाको पक्षमा आदेश जारी गर्न अस्वीकार गर्यो ।

उच्च अदालत पाटनको यो आदेशपछि छवि र शिल्पालाई पक्राउ गर्ने कानुनी बाटो झन बलियो बनेको छ । निर्देशक ओझाकी पहिलो पत्नी हेमा ओझाले गत साउन ८ मा छबि र शिल्पाविरुद्ध बहुविवाहको मुद्दा दर्ता गरेकी थिइन  । त्यसपछि जिल्ला अदालत काठमाडौंले दुवैविरुद्ध पक्राउ पुर्जी जारी गरेको थियो ।


(२०७६ श्रावण २५, शनिबार) ०८:५९ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना