आफन्तको बेवास्ताले सफाई पाएको दुई वर्ष हुँदा पनि जेलको बास

संबाददाता : ओम हमाल     प्रकाशित मिति: (२०७६ श्रावण २४, शुक्रबार) १०:२६

अदालतले सफाई दिएर जेलमुक्त गर्न आदेश दिएपनि आफन्तले बेवास्ता गर्दा तनहुँका गौबहादुर गुरुङ बिगत दुई वर्षदेखी नख्खु कारागारमा जेल जीवन बिताइरहेका छन्।

शुक्लागण्डकी नगरपालिका–२ का ३१ वर्षीय गौबहादुरलाई २०७२ साल कार्तिक १९ गते ७६ वर्षीया काकी रुममाया गुरुङको हत्या गरेको आरोप थियो । जिल्ला अदालत तनहुँले २५ चैत ०७२ मा सर्वस्वसहित जन्मकैदको सजाय सुनाएको थियो । जिल्लाको फैसलाविरुद्ध उनले उच्च अदालत पोखरामा पुनरावेदन दिएका थिए ।

१० वैशाख ०७४ मा उच्च अदालत पोखराको संयुक्त इजालसले मानसिक रोगी गौबहादुरलाई सफाइ दिएर अभिभावक वा संरक्षकको रोहवरमा थुनामुक्त गर्न आदेश दिएको थियो। सोही दिन पोखरा उच्च अदालतले नख्खु कारागारलाई पत्राचार गरी गौबहादुरलाई कुनै प्रकारको सजाय नहुने जानकारी गराएको थियो ।

कारागार कार्यालय नख्खु सुधारगृहका प्रमुख वेदप्रसाद अर्यालले अदालतको आदेशलगत्तै गुरुङ परिवारलाई ताकेता गर्दा बेवास्ता गरेको बताए । ‘अदालतको आदेशकै दिनबाट गुरुङ थुनामुक्त भएका हुन् । तर, अदालतको आदेशअनुसार परिवार लिन नआउँदा उनी दुई वर्षदेखि कारागारमै बस्न बाध्य छन्,’ प्रमुख अर्यालले भने ।

गौबहादुरका दाइ विष्णुबहादुर गुरुङले भने परिवारभित्र अपराध गरेकाले भाइलाई घर फर्काउन नसकेको बताए । भाइलाई घर फर्काउँदा छरछिमेकले असुरक्षित महसुस गर्ने भएकाले कारागारबाट स्विकार्न नसकिएको उनले बताए ।


(२०७६ श्रावण २४, शुक्रबार) १०:२६ मा प्रकाशित

°
Weather from OpenWeatherMap

मुख्य समाचार

सबै

नेकपा मजदुर संघको केन्द्रीय अध्यक्ष लोकेन्द्र थापा ‘आकाश’ कारबाहीमा

काठमाडौँ : नेपाल कम्युनिस्ट पार्टी निकट अखिल नेपाल क्रान्तिकारी ट्रेड यूनियन महासंघका केन्द्रीय सदस्य एवं अखिल नेपाल क्रान्तिकारी हाइड्रो तथा खानी मजदुर संघको केन्द्रीय अध्यक्ष लोकेन्द्र थापा ‘आकाश’.....

नेपाल–भारतबीच समाधान गरिनुपर्ने बिबादित मुद्दाहरु : हरि रोक्का

सात दशक छोटो समय होइन, जुन सुकै कोणबाट हेरे पनि । स्वतन्त्र भारतसँगको नेपाली सहयात्रा सात दशक पुरानो भइसकेछ । १०४ वर्षे जहानियाँ राणा शासनको अँध्यारो युगबाट उज्यालोमा प्रवेश गर्दै गर्दा.....

काठमाण्डौ प्रहरीद्वारा टेलीभिजनकर्मी रबि पत्नीको चितवन प्रहरी प्रमुखसहित तीन जनाविरुद्धको मुद्दा दर्ता गर्न अस्वीकार

पत्रकार शालिकराम पुडासैनी आत्महत्या प्रकरणमा प्रहरी हिरासतमा रहेका टेलिभिजनकर्मी रवि लामिछानेकी पत्नी निकिता पौडेलको जाहेरी दर्ता गर्न प्रहरीले अस्वीकार गरेको छ । प्रहरी अनुसन्धानमा.....

Exchange Rate

Nepali Patro