फुलन्देकी आमा र लोकगायिका सबिना गुरुङ जापानको विमानस्थलबाटै नेपाल फर्काइए

संबाददाता : ओम हमाल     प्रकाशित मिति: (२०७६ श्रावण १९, आईतवार) १५:१०

सांस्कृतिक कार्यक्रमको लागि जापान पुगेका हास्यकलाकार उमेश राई (फुलन्देकी आमा) र लोकगायिका सबिना गुरुङलाई जापानको विमानस्थलबाटै नेपाल फर्काइएको छ ।

चर्चित हास्य कलाकार उमेश राई उर्फ फुलन्देकी आमा र गायिका सबिना गुरुङलाई तमु धिं जापानको रजत महोत्सवको अवसर पारेर आयोजना गरिएको रोधी साँझ कार्यक्रमको लागि बोलाइएको थियो ।

तमु धिं जापानले आयोजना गरेको २३ औ रोधी साँझ तथा रजत जयन्ती २०१९ को लागि गएका उनीहरुलाई नेपालस्थित जापानी दूतावासले प्रवेशाज्ञा (भिसा) दिएको थियो ।  तर विमानस्थलबाट बाहिरिने क्रममा भएको चेकजाँचमा प्राविधिक त्रुटि भएको भन्दै उनीहरुलाई फिर्ता पठाइएको तमु धिं जापानले एक विज्ञप्ति प्रकाशित गरी जानकारी दिएको छ ।

यद्यपि यी दुई कलाकार नभए पनि कार्यक्रम भने तोकिएकै मितिमा हुने आयोजकले जनाएको छ ।

पछिल्लो समय बिदेशमा आफ्नो प्रस्तुति दिनका लागि गएका नेपाली कलाकारहरुलाई एक पछि अर्को किसिमका अवरोध पुर्याउन थालिएको छ । केहि महिना अघि मलेसिया पुगेका गायिका श्रेया राई र सुनिता थेगिमलगायतका कलाकारलाई मलेसियामा पक्राउ गरेर केहि दिन हिरासतमा राखियो र नेपाल फर्काइयो ।


(२०७६ श्रावण १९, आईतवार) १५:१० मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना