पोखराबाट पत्रकार साउद पक्राउ

संबाददाता : मोनिका गुरुङ     प्रकाशित मिति: (२०७६ श्रावण १८, शनिबार) ०४:१३

ई-झझल्को डट कमका सहसम्पादक राजन साउद पोखराबाट पक्राउ परेका छन्।  बिप्लव नेतृत्वको नेपाल कम्युनिष्ट पार्टी निकट जनपत्रकार संगठन नेपाल जिल्ला संगठन समिति सदस्य कास्कीका सदस्य समेत रहेका साउदलाई प्रहरीले शुक्रबार पोखराको पृथ्वीनारायण क्याम्पसबाट पक्राउ गरेको हो।  उनी करीब एक वर्षदेखि पोखरामा रहेर पत्रकारिता गरिरहेका छन्।

यसैबीच, जनपत्रकार संगठन नेपालका केन्द्रीय सदस्य तथा कास्कीका जिल्ला संयोजक रमाकान्त बास्तोलाले शुक्रबार नै एक प्रेस विज्ञप्ति निकाली जनपत्रकार संगठन कास्कीका सदस्य राजन साउँदलाई पोखराको पृथ्वी नारायण क्याम्पसबाट विना कारण प्रहरीले गिरफ्तार गरेकोमा  घोर आपत्ति जनाउदै रिहा गर्न माग गरेका छन् ।

यसभन्दा करीब दुई महिना अघि जेठको अन्तिम साता पत्रकार राजकुमार घिमिरे पनि पोखराबाट पक्राउ परेका थिए।  संचार केन्द्र डट कमका पोखरा सम्बाददाता घिमिरेलाई प्रहरीले केही घण्टापछी रिहा गरेको थियो।


(२०७६ श्रावण १८, शनिबार) ०४:१३ मा प्रकाशित

Exchange Rate

Nepali Patro