विश्वमै सबैभन्दा अग्लो स्थान मनाङमै फेला पर्यो अर्को ताल

संबाददाता : ओम हमाल     प्रकाशित मिति: (२०७६ श्रावण ९, बिहीबार) ११:५१

विश्वमै सबैभन्दा अग्लो स्थानमा रहेको मनाङको तिलिचो ताल भन्दा पनि अग्लो स्थानमा अर्को एक ताल फेला परेको छ। समुन्द्री सतहदेखि ५ हजार २ मिटर उचाईमा रहेको मनाङकै चामे गाउँपालिका अन्तरगतको लमजुङ हिमालको बेसक्याम्पमा अर्को ताल फेला परेको हो।  चामे गाउँपालिका वडा नम्बर ४ मा फेला परेको यस तालको नाम केजिन सारा लेक राखिएको छ र यो करिब १ किलोमिटर ठूलो रहेको विज्ञहरुले बताएका छन् ।

हालसम्म मनाङमा रहेको तिलिचो ताललाई विश्वमै सबैभन्दा अग्लो स्थानमा रहेको तालका रुपमा मानिंदै आएको थियो । तिलिचो ताल अन्नपूर्ण संरक्षण क्षेत्रभित्र पर्ने यो ताल समुद्री सतहदेखि ४ हजार ९ सय १९ मिटर उचाइमा छ ।

चामे घर भइ अमेरिकामा बस्दै आएका व्यक्तिले गुगलमा नयाँ ताल देखे। तयो खबर गाउँमा गरे। ताल भएको स्थान वरपरका याक, चौरी, भेडा गोठालाहरुलाई सोध्दा ताल भएको जानकारी आएपछि चामेबाट गएको स्थलगत भ्रमण समूहले अमेरिकाबाट भनिएको खबरअनुसार नै ताल भएको पुष्टी भयो ।

गाउँपालिकाका अध्यक्ष लोकेन्द्रबहादुर घलेका अनुसार, पहिले नै यो ताल देखिएको भएपनि उचाई थाहा थिएन । चामे गाउँपालिकाका अध्यक्ष लोकेन्द्रबहादुर घलेको नेतृत्वमा २४ जनाको समूह ताल पहिचानका लागि साउन ५ गते स्थलगत भ्रमणका लागि गएको थियो। साउन ५ गते गाउँपालिका, जिल्ला प्रशासन र अन्नपूर्ण संरक्षण क्षेत्र आयोजना मनाङको सहयोगमा तालको क्षेत्रफल र उचाई नापिएको हो । उनीहरु तालमै पुगेर नापजाँच गरेका थिए । यो तालको गहिराई, लम्बाई र चौडाई भने पत्ता लाग्न बाँकी छ।

ताल भएको ठाउँमा पुग्न चामेबाट २ दिन लाग्ने सशस्त्र प्रहरी बलका डिएसपी निलकमल आचार्यले बताए । भर्खरै ताल भेटिएकोले खाने र बस्ने प्रबन्ध नभएको उनको भनाई छ ।

मनाङ जिल्लामा ४ हजार मिटरभन्दा माथी दर्जनभन्दा धेरै तालहरु छन् ।

 

 


(२०७६ श्रावण ९, बिहीबार) ११:५१ मा प्रकाशित

°
Weather from OpenWeatherMap

मुख्य समाचार

सबै

नेकपा परित्याग गरि आधा दर्जन भन्दा बढी बिप्लप नेकपामा प्रबेस स्वागत गर्दै जिल्ला सेक्रेटरी रणदिप

  नेकपा कालिकोटले बर्तमान परिस्थिती र एकिकृत जनक्रान्ती बिषयक अन्तरक्रिया कार्यक्रम सम्पन्न गरेको छ  उक्त कार्यक्रममा कामरेड किरण को सभापतित्व र प्रमुख अतिथी जिल्ला सेक्रेटरी कामरेड रणदिप को.....

मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली नेपाल पुगे

  मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली सेक्युरिटी गार्ड प्रारम्भिक अनुशन्धन पश्चात रिहा भएका छन । सेप्टेम्बर १ तारीख मलेसिया स्थित.....

मलेसिया स्थित नेपाली राजदुतवासद्वारा आयोजित २०७६ संविधान दिवस सप्पन्न

    नेपाली राजदुतावास मलेसियाले क्वालालम्पुर स्थित Hotel renaissance स्थित एक कार्यक्रम आयोजना गरि संविधान दिवस मनाएको छ। उक्त कार्यक्रममा संवोधन गर्दै महामहिम उदय राज पाण्डेले नेपाली हरुको.....

Exchange Rate

Nepali Patro