सशस्त्र प्रहरी निरिक्षक चौधरीद्वारा जवान यादवमाथि निर्घात कुटपिट, घटना लुकाउन दबाब दिने दुई जना कार्यालय फर्किए

संबाददाता : ओम हमाल     प्रकाशित मिति: (२०७६ असार २९, आईतवार) ०२:४९

सशस्त्र प्रहरी बल नेपाल नम्बर ७ गण हेड क्वार्टर सिरहामा कार्यरत सशस्त्र प्रहरी निरीक्षक सियाराम चौधरीले जवान विजयकुमार यादवलाई निर्घात कुटपिट गरेका छन् ।  सो कुटपिटको घटनालाई लुकाउने प्रयास विफल भएपछी उनलाई अस्पतालमा नै छाडेर दुई जना सशस्त्र प्रहरी कर्मचारी फर्किएका छन्  ।

प्राप्त समाचार अनुसार,शस्त्र प्रहरी निरीक्षक चौधरीले त्यहीँ गणमा  कार्यरत सप्तरीको शम्भुनाथ नगरपालिका–१ घर भएका जवान ३२ वर्षीय यादवमाथि गत बुधबार कुटपिट गरेका थिए । निरीक्षक चौधरीले बिहान ७ बजे १५ मिनेटको समयमा आफूमाथि बुट र मुक्का प्रहार गरेको घाइते प्रहरी जवान यादवले जानकारी दिए ।  ‘टाउको जोगाउन थाल्दा ढाडमा कुटियो,’ उनले भने, ‘त्यसपछि बेहोस भएछु ।’ एक जना जवानलाई बोलाएर ल्याउन लगाएर आफूमाथि कार्यालयकै गेटमा सबैका अगाडि कुटपिट गरिएको यादवको आरोप छ ।

कुटपिटपछी गम्भीर घाइते बनेका प्रहरी जवान यादबलाई उपचारका लागि सशस्त्रका असई कामेश्वर यादव र जवान पेशल थापाले जिम्मा लिएर  विराटनगरको नोबेल शिक्षण अस्पतालमा पुर्याइएको थियो । त्यस कुटपिटको घटनालाई लुकाउन दबाब दिएका सई कामेश्वर यादव र जवान पेशल थापाले घटना मिडियामा सार्वजनिक हुने भएपछी घाइते जवान यादबलाई अस्पतालमा नै छाडेर कार्यालय फर्केका छन् । अहिले घाइते सशस्त्र प्रहरी जवान यादवलाई कुरेर अस्पतालमा बुवा सुदिनलाल यादव र भान्जा अर्जुनकुमार यादव बसेका छन् ।

अस्पतालका चिकित्सक डा. मनोजकुमार यादवले घाइते सशस्त्रका जवान यादवको टाउको र छात्तीमा चोट रहेको तथा कानको जालीमा पनि केही समस्या देखिएको बताए ।

पांच वर्ष अघि बिबाह भएकी श्रीमती सोनुकुमारीसँगको सम्बन्ध विच्छेदको मुद्दा सप्तरी जिल्ला अदालतमा चलिरहेका बेला आफूमाथि कुटपिट गरिएको यादवले बताए । यादव दम्पतिका ३ वर्षीय छोरी पनि छन् । सशस्त्र प्रहरी निरीक्षक सियाराम चौधरीले भने आफूले यादवमाथि कुटपिट गरेको अस्वीकार गरेका छन् ।


(२०७६ असार २९, आईतवार) ०२:४९ मा प्रकाशित

°
Weather from OpenWeatherMap

मुख्य समाचार

सबै

नेकपा परित्याग गरि आधा दर्जन भन्दा बढी बिप्लप नेकपामा प्रबेस स्वागत गर्दै जिल्ला सेक्रेटरी रणदिप

  नेकपा कालिकोटले बर्तमान परिस्थिती र एकिकृत जनक्रान्ती बिषयक अन्तरक्रिया कार्यक्रम सम्पन्न गरेको छ  उक्त कार्यक्रममा कामरेड किरण को सभापतित्व र प्रमुख अतिथी जिल्ला सेक्रेटरी कामरेड रणदिप को.....

मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली नेपाल पुगे

  मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली सेक्युरिटी गार्ड प्रारम्भिक अनुशन्धन पश्चात रिहा भएका छन । सेप्टेम्बर १ तारीख मलेसिया स्थित.....

मलेसिया स्थित नेपाली राजदुतवासद्वारा आयोजित २०७६ संविधान दिवस सप्पन्न

    नेपाली राजदुतावास मलेसियाले क्वालालम्पुर स्थित Hotel renaissance स्थित एक कार्यक्रम आयोजना गरि संविधान दिवस मनाएको छ। उक्त कार्यक्रममा संवोधन गर्दै महामहिम उदय राज पाण्डेले नेपाली हरुको.....

Exchange Rate

Nepali Patro