संखुवासभाबाट सम्पर्कबिहीन ने.क.पा.का जिल्लास्तरीय नेता तामाङ पक्राउ परेको प्रहरीको स्वीकारोक्ति, अधिकारीको अवस्था अझै अज्ञात

संबाददाता : ओम हमाल     प्रकाशित मिति: (२०७६ असार १९, बिहीबार) १६:५९

विप्लव नेतृत्वको नेपाल कम्युनिष्ट पार्टी पुर्बी केन्द्रीय कमाण्डले संखुवासभामा चलाइएको प्रहरीको ब्यापक सर्च अपरेशनको क्रममा आफ्नो दुई जना कार्यकर्ता सम्पर्कबिहीन भएको भनी सार्वजनिक बिज्ञप्ति निकालेकै भोलिपल्ट प्रहरीले एक जना ने.क.पा. का जिल्लास्तरीय नेतालाई आफुहरुले हतियारसहित पक्राउ गरेको जानकारी दिएको छ ।

प्रहरीले असार १६ गते गोली चलेको स्थान  संखुवासभाबाट विप्लव नेतृत्वको ने.क.पा. का जिल्लास्तारिय निमा दोर्जी तामाङलाई पक्राउ गरेको प्रहरी प्रधान कार्यालयका एसपी रमेश थापाले जानाकारी दिए ।  उनले असार १६ गते गोली चलेको भनिएको  स्थान नजिकै हाइला खोलाबाट पक्राउ गरिएका तामाङको साथबाट एक नाल एसएलआर, म्यागजिन, एउटा एलएमजी म्यागजिन, ७.६२ एमएमको ११० वटा गोली, ३ मिटर तार र १३ राउण्ड खाली खोका तथा मोबाइल, डायरी र ने.क.पा. को पर्चा पनि बरामद गरिएको जानकारी दिए । तामाङलाई हाल जिल्ला प्रहरी कार्यालय, संखुवासभाको हिरासतमा राखेर थप अनुसन्धान भइरहेको प्रहरीको दाबी  छ ।

नेपाल कम्युनिष्ट पार्टी पुर्बी केन्द्रीय कमाण्डका इन्चार्ज विषमले बिहिबार एक प्रेस विज्ञप्ति जारी गर्दै कथित दोहोरो गोली हानाहानपछी पार्टी सम्पर्कमा नरहेका आफ्ना कार्यकर्ता सुजन अधिकारीलाई गिरफ्तार गरेर आफैसँग त्यस क्षेत्रमा घुमाइरहेको अपुष्ट खवर  बाहिर आइरहेको जनाएका थिए ।  तर प्रहरीले ने.क.पा.ले उल्लेख गरेका व्यक्ति सुजन अधिकारीका बारेमा केही बोलेको छैन ।

नेपाल कम्युनिष्ट पार्टी पुर्बी केन्द्रीय कमाण्ड इन्चार्ज बिसमले जारी गरेको त्यस विज्ञप्तिमा ‘गएको १६ गते सङ्खुवासभा जिल्लाको तिलिचुङ गाउँपालिका वडा नं. १ मा संगठन सुदृढ तथा बिस्तार अभियानको क्रममा शान्तिपूर्ण राजनीतिक कार्यक्रममाथि केपी–बादल गृह प्रशासनको ठाडो निर्देशनमा ३ ओटा हेलिकोप्टरबाट सशस्त्र फोर्स परिचालन गरी अभियान टोलीलाई चारैतिरबाट घेरी एकहोरो गोली चलाई दोहोरो भिडन्तको हल्ला पिटिएको’ उल्लेख छ ।

अहिले पनि दोहोरो भिडन्तको नाममा हेलिकोप्टरबाट उतारिएका सशस्त्र तथा नेपाल प्रहरीका कमाण्डो फोर्सहरुले सङ्खुवासभा जिल्लाको तिलिचुङ गाउँपालिका वडा नं. १ का गाउँहरुमा सर्च अपरेशनका नाममा आतंक मच्चाइएको आरोप लगाउंदै कमाण्ड इन्चार्ज बिसमले त्यस क्षेत्रमा चलाइएको फासिवादी दमन तुरुन्त बन्द गर्न माग गरेका छन् । साथै उनले ने.क.पा.को पूर्वी केन्द्रीय कमाण्ड अन्तर्गत गिरफ्तार गरी जेल र हिरासतमा यातना भोगीरहेका करीब तीन दर्जन नेता तथा कार्यकर्ताहरुलाई बिना सर्त रिहाई गर्न अपिल गरेका छन्  ।


(२०७६ असार १९, बिहीबार) १६:५९ मा प्रकाशित

°
Weather from OpenWeatherMap

मुख्य समाचार

सबै

भारतीयद्वारा सिमानामा रहेको मठिया प्रहरी चौकीमा बम प्रहार, सेन्ट्रीमा बसेका प्रहरी घाइते

भारतले नेपाली भुमि कालापानी हडपेको बिरोधमा नेपालमा आन्दोलन चलिरहेका बेला रौतहट जिल्लाको इशनाथ नगरपालिका–४ स्थित सिमानामा रहेको मठिया प्रहरी चौकीमा भारतीय नागरिकले बम प्रहार गरेका छन्।  मंगलबार दिउँसो.....

सर्बोच्च अदालतको आदेश लत्याउंदै ने.क.पा. कास्कीका इन्चार्ज रुपेश अदालत गेटबाट फेरी गिरफ्तार, म्याग्दी लगिंदै

विप्लव नेतृत्वको ने.क.पा. कास्कीका ईञ्चार्ज कृष्ण वाग्ले "रूपेश"लाई अाज फेरी सर्बोच्च अदालतको गेटबाटै गिरफ्तार गरिएको छ।  बन्दी प्रत्यक्षीकरण मुद्दामा उनलाई आज सर्बोच्च अदालतले रिहा गर्न.....

भारत विरुद्धमा मलेसियाबाट नेपाली जनप्रगतिशिल मोर्चाले कडा संघर्ष को चेतावनी सहित विज्ञप्ति

  भारतले हालै प्रकाशित गरेको आफ्नो देशको नक्सामा नेपालको कालापानी ,लिपुलेख,र लिम्पियाधुरासहितको,भु-भा गलाई भारतमा गाभेको विषयप्रति नेपाल कम्युनिस्ट पाटी निकट पुर्बी एसिया जनप्रगतिशिल.....

Exchange Rate

Nepali Patro