डन लामाले हाँकेको कारको ठक्करबाट मोटरसाइकल चालकको मृत्यु, लामा फरार, कार घरबाट बरामद

संबाददाता : ओम हमाल     प्रकाशित मिति: (२०७६ असार १५, आईतवार) १९:०८

विराटनगरमा ‘डन’को रुपमा परिचित जग्गा कारोवारदेखि मिटर ब्याजको धन्दा चलाइरहेका किरण लामाले चलाएको कारले ठक्कर दिंदा एक जनाको मृत्यु भएको छ।

विराटनगर महानगरपालिका ४ बरगाछीमा शनिबार राति लामाले हाँकेको  बा२०च ७४० नम्बरको कारले मोटरसाइकललाई ठक्कर दिँदा विराटनगर महानगरपालिका–१२ का १९ वर्षीय शंकरकुमार मिश्रको मृत्यु भएको हो । मिश्र को३५प ५६३४ नम्बरको सवार थिए ।

जिल्ला प्रहरी कार्यालय मोरङका प्रवक्ता डीएसपी घनश्याम श्रेष्ठका अनुसार, ठक्करबाट गम्भीर घाइते भएका शंकरलाई उपचारका लागि विराट नर्सिङहोम भर्ना गरिएको थियो । तर, अस्पतालले राति नै मृत घोषणा गरेको थियो ।

कार चालक लामा फरार छन् भने उनको कारलाई प्रहरीले विराटनगर–११ स्थित उनकै घरबाट करिब २ बजे नियन्त्रणमा लिएको थियो। कार चालक समेत रहेका डन लामा  यसअघि होटलका व्यवसायिक साझेदार प्रहृलाद गुरागाईंलाई बन्धक बनाएर कुटपिट गरेको आरोपमा पक्राउ परेका थिए ।


(२०७६ असार १५, आईतवार) १९:०८ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना