क्षतिपुर्ति माग गरेका स्थानीय बासिन्दा माथि प्रहरीले गोली बर्सायो, एकको मृत्यु, अर्का घाइते

संबाददाता : ओम हमाल     प्रकाशित मिति: (२०७६ असार १५, आईतवार) १८:२९

खोलामा बालुवा झिकेको खाल्डोमा डुबेर बालकको मृत्यु भएपछि विरोध प्रदर्शनमा उत्रिएका स्थानीय बासिन्दामाथि प्रहरीले अन्धाधुन्ध गोली चलाउँदा एक जनाको घटनास्थलमा नै मृत्यु भएको छ भने अर्का एक जना घाइते भएका छन् ।

प्रहरीको गोली लागेर सर्लाही जिल्लाको ईश्वरपुर नगरपालिकाका-१३ का २७ वर्षिय सत्यनारायण महतोको मृत्यु भएको छ भने अर्का एक जनाको तिघ्रामा गोली लागेको छ ।

शनिबार ईश्वरपुर नगरपालिका वडा नम्बर १३ बस्ने लाले रायका १२ वर्षीय छोरा अमितकुमार यादवको खाल्डोमा डुवेर मृत्यु भएको थियो । उनको मृत शरिर आइतबार मात्र फेला परेको थियो ।

बाँके नदीमा अवैध ढुंगागिट्टी उत्खनन् गर्दा बनेको खाल्टोमा शनिवार डुबेर बालक अमितकुमार यादवको ज्यान गएपछि स्थानीयले त्यसको विरोधमा  बालकको शवसहित राजमार्ग अवरुद्ध गरेर आइतबार प्रदर्शन गरेका थिए । उनीहरुले खाल्डोमा डुबेर मृत्यु भएका बालकको परिवारलाई उचित क्षतिपुर्ति माग गरेका थिए । तर प्रहरीले स्थानीयले राजमार्ग अबरुद्ध गरेको भन्दै हस्तक्षेप गरेको थियो ।

सर्लाहीका प्रहरी उपरीक्षक गोपालचन्द्र भट्टराइका अनुसार,  प्रदर्शनकारीले प्रहरीलाई लक्षित गरेर ढुंगामुढा गरेपछि सुरुमा लाठी चार्ज, १५ राउन्ड अश्रु ग्यास र रबरको बुलेट प्रहार गरेको थियो । राजमार्गमा प्रदर्शनकारीको भिड अनियन्त्रित बनेपछि गोली प्रहार गर्नु परेको सर्लाहीका प्रहरी उपरीक्षक गोपालचन्द्र भट्टराइले बताए ।

मृतकको शव सर्लाही अस्पताल मलंगवामा छ। प्रदर्शनकारीले शनिबार मृत्यु भएका बालकको शव नै लिएर प्रदर्शन गरिरहेका थिए। अहिले प्रहरीले ती बालकको शव पनि अस्पतालमै ल्याएको छ।

एसपी भट्टराईका अनुसार प्रदर्शनकारीको आक्रमणबाट १० भन्दा धेरै प्रहरी र केही सशस्त्र प्रहरी घाइते भएका छन् ।


(२०७६ असार १५, आईतवार) १८:२९ मा प्रकाशित

°
Weather from OpenWeatherMap

मुख्य समाचार

सबै

नेकपा परित्याग गरि आधा दर्जन भन्दा बढी बिप्लप नेकपामा प्रबेस स्वागत गर्दै जिल्ला सेक्रेटरी रणदिप

  नेकपा कालिकोटले बर्तमान परिस्थिती र एकिकृत जनक्रान्ती बिषयक अन्तरक्रिया कार्यक्रम सम्पन्न गरेको छ  उक्त कार्यक्रममा कामरेड किरण को सभापतित्व र प्रमुख अतिथी जिल्ला सेक्रेटरी कामरेड रणदिप को.....

मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली नेपाल पुगे

  मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली सेक्युरिटी गार्ड प्रारम्भिक अनुशन्धन पश्चात रिहा भएका छन । सेप्टेम्बर १ तारीख मलेसिया स्थित.....

मलेसिया स्थित नेपाली राजदुतवासद्वारा आयोजित २०७६ संविधान दिवस सप्पन्न

    नेपाली राजदुतावास मलेसियाले क्वालालम्पुर स्थित Hotel renaissance स्थित एक कार्यक्रम आयोजना गरि संविधान दिवस मनाएको छ। उक्त कार्यक्रममा संवोधन गर्दै महामहिम उदय राज पाण्डेले नेपाली हरुको.....

Exchange Rate

Nepali Patro