मधेश आन्दोलनका शहीदका नामको भैंसी मधेशी नेताले बुझे, शहीद परिवारले भैंसी पाएनन्

संबाददाता : ओम हमाल     प्रकाशित मिति: (२०७६ असार १५, आईतवार) ०८:३३

मधेश आन्दोलन चलेको बेला जनतालाई उक्साउन ‘शहीद भए ५० लाख रुपिया रकम दिने’ घोषणा गरेका मधेशवादी दलहरू अहिले प्रदेश नम्बर २ मा दुई-तिहाईको सरकार बनाएका छन् । तर सोही आन्दोलनका क्रममा शहीद र घाइते भएका सर्वसाधारण पिडित तथा आफन्तहरुले क्षतिपुर्ति र उपचार खर्च माग्दा उनीहरुले “घरबारी र खेत बेचेर काम चलाउन भन्ने गरेका छन् । त्यति मात्र हैन, अहिले आएर मधेशवादी दलका नेताहरु शहीद र घाइतेका नाममा आएका नगद र जिन्सी सामानलाई समेत आफैले लिने गरेको समाचार प्राप्त भएको छ ।

प्रदेश २ सरकारले मधेश आन्दोलनका सहिद परिवारका लागि भन्दै भैँसी किनेर पार्टीका नेता तथा पूर्वमन्त्रीलाई वितरण गरेको छ। सिरहामा सरकारले बाँडेको भैँसी पूर्वमन्त्री र पार्टीका नेताका आफन्तसम्मको गोठमा पुगेको छ।

पूर्वकेन्द्रीय मन्त्रीसमेत रहेका समाजवादी पार्टीका नेता राजलाल यादव र उनका छोरीज्वाइँ रमेशकुमार यादवले सहिद परिवारका नाममा आएको भैँसी पाएका छन्। उनीहरुलाई भूमि व्यवस्था तथा कृषि एवं सहकारीमन्त्री शैलेन्द्रप्रसाद साहले बिहीबार सिराहाको लहानस्थित पशुपति आदर्श माविको प्रांगणमा भैँसी हस्तान्तरण गरेका थिए।

मधेश आन्दोलनमा सिरहाबाट ६ जना सहिद भएका थिए। यो जिल्लामा सरकारले १८ परिवारलाई भैँसी बाँडेको छ। तर, तीन सहिद परिवारले भैँसी पाएका छैनन्। सहिद रमेशकुमार महतो, बेचन यादव र प्रमोद सदायका परिवारले मात्रै सरकारी भैँसी पाएका छन्।सहिद विजयकुमार सहनी, मोहम्मद अनिस र राजेशकुमार ठाकुरका परिवारले भने भैँसी पाएका छैनन्।

पहुँचका आधारमा सहिद परिवारबाहेकका राजनीतिक व्यक्तिलाई भैँसी बाँडेको भन्दै पीडितले आपत्ति जनाएका छन्। सहिद विजयकुमार सहनीका बुबा लक्ष्मी सहनीले भने, ‘जवान छोरा सहिद भएर म बुढो बाँचेको यही दिन देख्न रहेछ।’ यो समाचार आजको नयाँ पत्रिका दैनिकमा छ ।


(२०७६ असार १५, आईतवार) ०८:३३ मा प्रकाशित

°
Weather from OpenWeatherMap

मुख्य समाचार

सबै

अकुत सम्पत्ति कमाउने तीन मेडिकल कलेजमा अख्तियारद्वारा छापा, ठगीमा मुद्दा चलाउने तयारी

मेडिकल शिक्षाका नाममा सरकारले तोकेको भन्दा बढी रकम असुली गरेर अकुत सम्पत्ति कमाएको आशंकामा सम्पत्ति शुद्धीकरण अनुसन्धान विभागले तीन वटा मेडिकल कलेजमा आइतबार छापा मारेको छ । विभागले नोबल मेडिकल कलेज.....

अख्तियारद्वारा सामाजिक सेवा ईकाई सञ्चालन गर्न दिने प्रक्रिया रद्द गर्न पोखरा स्वास्थ्य विज्ञान प्रतिष्ठानलाइ निर्देशन

अख्तियार दुरुपयोग अनुसन्धान आयोग पोखराले अस्पतालमा सामाजिक सेवा ईकाई सञ्चालन गर्न दिने प्रक्रिया रद्द गर्न पोखरा स्वास्थ्य विज्ञान प्रतिष्ठानलाइ निर्देशन दिएको छ। सामाजिक सेवा ईकाई.....

बैंक तथा बित्तिय संस्थाको मारमा किसानहरु !

दिनह हरेक पत्रपत्रिकामा पढ्ने गरिन्छ काला अक्षरमा प्रकाशित सुचनाहरु । फलानो ब्यत्ती, डिस्कानो जवानी र उनिहरुको कर्जा चुत्ता, भुत्तान गर्न आउने जारी सुचना अर्थात चल अचल सम्पत्ती लिलामी.....

Exchange Rate

Nepali Patro