प्रहरीको सुरक्षामा महसाचिव बिप्लवको गाउँमा स्वास्थ्य शिबिर, गाउँले उत्साहित

संबाददाता : ओम हमाल     प्रकाशित मिति: (२०७६ असार ९, सोमबार) ०९:०६

केही महिना अघि ने.क.पा. महासचिव बिप्लवको घर रहेको कपिलवस्तु जिल्लाको शिवगढी नगरपालिका वडा नम्बर  ३ भगवानपुरमा छापा मार्न पुगेका ठुलो संख्याका प्रहरीलाई स्थानीय बासिन्दाले अवरोध गरेर छापा मर्ने नदिई फर्काए ।  त्यही ठाउँमा आइतबार सम्पन्न भएको दुई दिने स्वास्थ्य शिविरलाई प्रहरीहरुले सुरक्षा दिईरहेका थिए ।  न त्यहाँ कोही रिस राग थियो, न बिबाद अनि झडप ।

सबका सब आ-आफ्नो धुनमा थिए , कपिलवस्तुस्थित शिवगढी नगरपालिका वडा नम्भबर ३ भगवानपुरको नेपाल राष्ट्रिय आधारभुत बिधालयको प्रागंणमा प्रहरीहरु सुरक्षा दिईरहेका थिए, झमझम पानी  दर्किरहेको थियो, कोहि छाता ओडेर त कोहि भिज्दै स्थानीय बासिन्दा लाइनमा लागेर आफ्नो स्वास्थ्य परीक्षण गरेर खुशीका साथ् घर फर्किरहेका थिए ।

स्वास्थ्य शिविरमा खटिएका प्रहरीहरु
स्वास्थ्य शिविरमा खटिएका प्रहरीहरु

सहिद स्मृति प्रतिष्ठान कपिलवस्तुको आयोजना तथा  विप्लव नेतृत्वको नेपाल कम्युनिस्ट पार्टी कपिलबस्तुको सहजीकरण र भात्री संगठन अखिल जनस्वास्थ्यकर्मी महासंघको ब्यवस्थापनमा भएको दुई दिने स्वास्थ्य शिबिरमा यस्तो मैत्रीपूर्ण वातावरण देखिएको थियो  ।

कपिलवस्तुको भगवानपुरमा आयोजित स्वास्थ्य शिविरमा उपस्थित स्थानीय बासिन्दा

कपिलवस्तुमै रहेर पनि अविकसित जस्तै रहेको शिवगढी नेपाल कम्युनिस्ट पार्टीका महासचिव विप्लवको गाउँ हो । त्यस स्वास्थ्य शिविरमा चितवन मेडिकल कलेजमा अध्ययनरत विप्लव पुत्र प्रकाश चन्द आफैं बिरामीहरुको स्वास्थ्य परीक्षण गर्न खटिएका थिए । अखिल जनस्वास्थ्यकर्मी  महासंघको महासचिब समेत रहेका विप्लव पुत्र प्रकाशको नेतृत्वमा चितवन मेडिकल कलेजका ४० जना स्वास्थ्यकर्मीहरुले स्वास्थ्य परीक्षण गरेका थिए ।

स्वास्थ्य शिविरमा वितरण गर्न ल्याइएको औषधी

स्त्रीरोग, बालरोग, हाडजोर्नी, छाला तथा यौनरोग, नाक कान तथा घाटी, प्रयोगशाला लगायतका बिषयमा स्वास्थ्य परीक्षण गरिएको स्वास्थ शिविरमा पहिलो दिन १ हजार ५० जना बिरामी स्वास्थ जाचको लागि आएका थिए भने दोस्रो दिन १२ सय जना बिरामीहरु चेकजाँच गरेका थिए । स्वास्थ्य शिविरबाट उत्साहित बनेका स्थानीय बासिन्दाले स्वास्थ शिविरलाई अझ केही दिन  लम्ब्याउन अनुरोध समेत गरेका थिए ।

जनस्वास्थ्यकर्मी महासघको महासचिव समेत रहेका विप्लवका पुत्र प्रकाशले अघिपछि राज्यको  उपस्थिति  शुन्यप्राय: हुने त्यस ठाउँमा स्वास्थ्य शिविरको संचालन गरेर जनतालाई थोरै भएपनि राहत महशुस गराउन खोजेको बताए । उनले  यस्ता स्वास्थ्य शिविरलाई निरन्तरता दिने बचन पनि दिए  ।

 


(२०७६ असार ९, सोमबार) ०९:०६ मा प्रकाशित

°
Weather from OpenWeatherMap

मुख्य समाचार

सबै

नेकपा परित्याग गरि आधा दर्जन भन्दा बढी बिप्लप नेकपामा प्रबेस स्वागत गर्दै जिल्ला सेक्रेटरी रणदिप

  नेकपा कालिकोटले बर्तमान परिस्थिती र एकिकृत जनक्रान्ती बिषयक अन्तरक्रिया कार्यक्रम सम्पन्न गरेको छ  उक्त कार्यक्रममा कामरेड किरण को सभापतित्व र प्रमुख अतिथी जिल्ला सेक्रेटरी कामरेड रणदिप को.....

मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली नेपाल पुगे

  मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली सेक्युरिटी गार्ड प्रारम्भिक अनुशन्धन पश्चात रिहा भएका छन । सेप्टेम्बर १ तारीख मलेसिया स्थित.....

मलेसिया स्थित नेपाली राजदुतवासद्वारा आयोजित २०७६ संविधान दिवस सप्पन्न

    नेपाली राजदुतावास मलेसियाले क्वालालम्पुर स्थित Hotel renaissance स्थित एक कार्यक्रम आयोजना गरि संविधान दिवस मनाएको छ। उक्त कार्यक्रममा संवोधन गर्दै महामहिम उदय राज पाण्डेले नेपाली हरुको.....

Exchange Rate

Nepali Patro