संसदमा जुँगाको लडाई, प्रम ओलीले उँधो मुन्टो लाए (हेर्नुस भिडियो)

संबाददाता : ओम हमाल     प्रकाशित मिति: (२०७६ असार ३, मंगलवार) १६:३८

प्रतिनिधि सभाको आजको बैठकमा प्रधानमन्त्री केपी शर्मा ओलीले पहिला बोल्ने कि प्रमुख प्रतिपक्षी दलका नेता एबम पुर्व प्रधानमन्त्री शेर बहादुर देउबाले पहिला बोल्ने भन्ने बिबाद हुँदा आजको प्रतिनिधि सभा बैठक अवरुद्ध भयो ।  सभामुख कृष्ण बहादुर महराले समय दिएर बोल्नका लागि रोस्टममा पुगेका प्रधानमन्त्री केपी शर्मा ओलीले प्रमुख प्रतिपक्षी दल नेपाली कांग्रेसका सांसदहरुको चर्को बिरोधका कारण बोल्न पाएनन् ।  लामो प्रतिक्षा गर्दा पनि बोल्ने मौका नपाएका प्रधानमन्त्री ओलीले आफ्नो टाउको रोस्टममा अड्याउन पुगेका थिए ।

रोस्टममा उभिएका प्रधानमन्त्री ओलीले आफ्नो भनाई राखेपछि प्रमुख प्रतिपक्षी दलका सांसदहरुलाई आफ्नो भनाइ राख्न दिने भन्दै पटक पटक अनुरोध गरेका सभामुख कृष्णबहादुर महराले आजको संसद बैठक स्थगित भएको जानकारी गराएका थिए । संसदको अर्को बैठक बुधबार विहान ११ बजेका लागि बोलाइएको छ ।

काँग्रेस सांसदले संसदमा बोल्न नदिएपछि प्रधानमन्त्री केपी शर्मा ओलीले मंगलबार साँझ विशेष पत्रकार सम्मेलन गरेका छन् । पत्रकार सम्मेलनमार्फत प्रम ओलीले समसामयिक विषयमा आफ्ना धारणा सार्वजनिक गरेका छन् ।

प्रधानमन्त्रीको हालै सम्पन्न भएको युरोप भ्रमण र विभिन्न विधेयकहरुमा देखिएको विवादबारे प्रधानमन्त्रीले आज संसदलाई जानकारी गराउन समय लिएका थिए । तर, काँग्रेस सांसदले प्रमुख प्रतिपक्षलाई पहिला बोल्न दिनुपर्ने भन्दै संसद अवरुद्ध गरेपछि रोष्टममा पुगेका प्रधानमन्त्री सम्बोधन नगरी फिर्ता भएका थिए ।

सभामुख कृष्णबहादुर महराले बैठकको प्रारम्भमै प्रधानमन्त्री ओलीलाई बोल्न समय दिएका थिए । तर, प्रतिपक्षी दल कांग्रेसले पहिले प्रतिपक्षी दलले बाल्न पाउनुपर्ने भन्दै संसद वैठक अवरोध ग-यो ।

कांग्रेसको अवरोधपछि सभामुख महराले मंगलबारको संसद बैठक स्थगित गरेका छन् ।


(२०७६ असार ३, मंगलवार) १६:३८ मा प्रकाशित

°
Weather from OpenWeatherMap

मुख्य समाचार

सबै

नेकपा परित्याग गरि आधा दर्जन भन्दा बढी बिप्लप नेकपामा प्रबेस स्वागत गर्दै जिल्ला सेक्रेटरी रणदिप

  नेकपा कालिकोटले बर्तमान परिस्थिती र एकिकृत जनक्रान्ती बिषयक अन्तरक्रिया कार्यक्रम सम्पन्न गरेको छ  उक्त कार्यक्रममा कामरेड किरण को सभापतित्व र प्रमुख अतिथी जिल्ला सेक्रेटरी कामरेड रणदिप को.....

मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली नेपाल पुगे

  मलेसियामा सेक्युरिटी कम्पनीका सुपरभाइजर हत्याको अभियोगमा पक्राउ परेका दुई नेपाली सेक्युरिटी गार्ड प्रारम्भिक अनुशन्धन पश्चात रिहा भएका छन । सेप्टेम्बर १ तारीख मलेसिया स्थित.....

मलेसिया स्थित नेपाली राजदुतवासद्वारा आयोजित २०७६ संविधान दिवस सप्पन्न

    नेपाली राजदुतावास मलेसियाले क्वालालम्पुर स्थित Hotel renaissance स्थित एक कार्यक्रम आयोजना गरि संविधान दिवस मनाएको छ। उक्त कार्यक्रममा संवोधन गर्दै महामहिम उदय राज पाण्डेले नेपाली हरुको.....

Exchange Rate

Nepali Patro