पुल उद्घाटन नहुँदै भत्किएर टेका लगाउने अबस्थामा : जनताको बिरोधपछि मर्मत शुरु

संबाददाता : ओम हमाल     प्रकाशित मिति: (२०७६ जेष्ठ २९, बुधबार) ०८:४०

अग्ला र लामा पुलैपुलका कारण परिचित पर्वत जिल्लाको कुश्मा खेरहादेखि अधिकारी फाँट ज्ञादी जोड्ने मोदी खोलापुल माथि निर्माणाधीन पुल उद्घाटन नहुँदै भत्किएर टेका लगाउने अबस्थामा पुगेको छ । सो पुल निर्माणको क्रममा अनियमितता भएको आशंका गर्दै स्थानीय बासिन्दाले बिरोध शुरु गरेपछि पुल मर्मत कार्य पनि थालिएको छ ।

पुलमा आवातजावत गर्दा पुल बाँङ्गो र कमजोर भएको महसुस गर्दै स्थानीयबासीले विरोध जनाएपछि मर्मत थालिएको हो । पुलको लट्ठा कस्नेभन्दै अहिले पुलको वाल भत्काउन शुरु गरिएको छ भने पुलको दुवै साइटमा फेरी मर्मतको काम भइरहेको हो । अहिले पुलको दुवै साईडको जाली निकाल्ने र लठठाको साईड चिन्ने काम भईरहेको हो ।

मोदी खोला माथि तीन सय ५९ मिटर लम्बाई र एकसय २८ मिटर अग्लो झोलुङ्गे पुल निर्माण सम्पन्न भएको भन्दै गएको वैशाखदेखि सर्वसाधरणका लागि खुल्ला गरिएको थियो । तर त्यो पुल अहिलेसम्म उद्घाटनसम्म भएको छैन ।

२०७५ सालमा निर्माण सुरु भएको पुलको संचालनमा नआउँदै विग्रिनुले निर्माण नै कमजोर भएको स्थानीयले बताएका छन । निर्माण समिति सचिव कृष्ण पौडेलले जनप्रतिनिधिदेखी  जिल्लातहबाट अनुगमन नभएका कारण पुल कमजोर बनेको आरोप आरोप लगाउन्छन् । पुल कमजोर बन्नुमा ईन्जीनीयर कै कमजोरी रहेको उनको ठम्याई छ । त्यति मात्र हैन, संघियता कार्यन्वयनको चरणमा निर्माण थालिएको सो पुलको स्वामित्व कसले लिने भन्ने बारेमा स्पस्ट नहुदा पुल कम्जोर बनेको पुल उपभोक्ता समितिको पदाधिकारीहरुको भनाई रहेको छ ।

दुई करोडमा निर्माण भएको पुल सम्पन्न भएपछि ज्ञादी, शंकरपोखी, खौलालाकुरी, पिपलटारीका बासिन्दाहरुलाई सदरमुकाम झर्न सजिलो भएको थियो । तर त्यही पुल पनि जुनसुकै बेला भाँच्चिन सक्ने भयले स्थानीय बासिन्दा चिन्तित छन् ।


(२०७६ जेष्ठ २९, बुधबार) ०८:४० मा प्रकाशित

°
Weather from OpenWeatherMap

मुख्य समाचार

सबै

नेपाल र चीनबीच १७ वटा सम्झौतामा हस्ताक्षर

नेपाल र चीनबीच १७ वटा सम्झौतामा हस्ताक्षर भएको छ । सम्झौता, सहमति र साझेदारी पत्र गरी १७ वटा विषयमा हस्ताक्षर भएको छ । चिनियाँ राष्ट्रपति सी चिनफिङ र प्रधानमन्त्री केपी शर्मा ओलीको उपस्थितिमा सहमति तथा.....

बम काण्डमा संलग्न भएको आरोपमा नेपाली कांग्रेसका सांसद आलम पक्राउ

०६४ सालको बम काण्डमा संलग्न भएको आरोपमा नेपाली कांग्रेसका सांसद मोहम्मद अफ्ताव आलमलाई प्रहरीले आइतबार विहान रौतहटको गौरबाट पक्राउ गरेको छ । मन्त्रीसमेत भइसकेका आलम रौतहट क्षेत्र नं. २.....

पृथ्वी घुम्न छोडेन, “पृथ्वीमाथि प्रतिवन्ध लगाऊ चाँडो !” : परशुराम कोइराला

"पृथ्वीमाथि प्रतिवन्ध लगाऊ चाँडो !" महामिम अादेश हो यो किनभने पृथ्वी घुम्न नरोकिएको देखेर महामिमहरू सबै विलखमन्द छन् । ....घुम्न प्रतिबन्धै लगाए पनि पृथ्वी घुम्न अझै छोडेन र त महामिमहरु.....

Exchange Rate

Nepali Patro