शौचालयको सेफ्ट ट्याङ्कको ढक्कन भाँसिदा चार बालबालिकाको मृत्यु

संबाददाता : ओम हमाल     प्रकाशित मिति: (२०७६ जेष्ठ २९, बुधबार) ०७:४३

दार्चुलाकाे नौगाढ गाउँपालिका-४ मा रहेको गणेशविनायक मावि स्कुलमा शौचालयको सेफ्ट ट्याङ्कको ढक्कन भाँसिदा चार बालबालिकाको मृत्यु भएको छ । दिउँसो करिब साढे ४ बजेतिर सेफ्ट ट्याङ्कको ढक्कनमाथि खेल्दै गरेका साेही गाउँपालिकाकाे १० वर्षीय अनुस्का धामी, ८ वर्षीय सुदिश धामी, ५ वर्षीय युनिका धामी र ७ वर्षीय निरुता ठगुन्नाको मृत्यु भएको हो ।

सेफ्ट ट्याङ्कको ढक्कनमाथि माटो राखेर मैदान बनाएकाे थियाे । साेही मैदानमा खेल्दै गरेका ती बालबालिकाको ढक्कन भाँसिदा सेफ्ट ट्याङ्कमा परी मृत्यु भएको स्थानीय प्रतापसिंह ठगुन्नाले बताए ।
ढक्कनमाथि राखिएको माटोसहित बालबालिका करिब १० मिटर तल खसेकाे थियाे । ट्याङ्कीमा खसेर मृत्यु भएकाे बालबालिकाकाे उद्धार गर्न तीन घण्टा लागेको प्रहरी चौकी सिप्टीका इन्चार्ज देवदत्त भट्टले जानकारी दिए ।

घटनाको खबर सुन्ने बित्तिकै गोकुलेश्वर इलाका प्रहरी चौकीबाट प्रहरी निरीक्षक सुरजबहादुर खड्काको टोली घटना स्थल पुगेको थियो ।

दिउँसो घटना भएलगत्तै विद्यालय परिसरमा जम्मा भएका स्थानीयले कति बालबालिका ट्याङ्कीमा परे भन्ने छुट्याउन सकेनन् । स्थानीयहरु आफ्ना बालबालिका घरमा छन् कि छैनन् खोज्नतिर लागे ।

विद्यालयको निर्माणाधीन भवनको उपभोक्ता समिति अध्यक्ष रहेका कृष्णसिंह धामीकी कक्षा २ मा पढ्ने १० वर्षीय छोरी अनुस्का र उनका ४ जना साथीहरु खेलिरहेको स्थानीयले बताएका थिए । अनुस्कासहित सबै बालबालिकाको लाश पहिचान भएपछि गाउँ नै शोकमा डुबेको छ ।

 


(२०७६ जेष्ठ २९, बुधबार) ०७:४३ मा प्रकाशित

°
Weather from OpenWeatherMap

मुख्य समाचार

सबै

पत्रकार सालिकराम पुडासैनीको हत्या भएको खुलासा (हेर्नुस भिडियो)

भरतपुर महानगरपालिकाको नारायणगढ पोखरा बसपार्कस्थित होटल कंगारुको एक कोठामा गएको साउन २ओ गते राति झुण्डिएको अबस्थामा भेटिएका पत्रकार शालिकराम पुडासैनीको हत्या भएको खुलासा भएको छ। झुण्डिएको शबको घटनास्थल.....

तिब्बती शरणार्थीलाई नागरिकता दिन सिफारिश गर्ने वडाध्यक्षसहित तीन जना पक्राउ, प्रशासकीय अधिकृतसहित चार कर्मचारीलाई विभागीय कारवाही

तिब्बती नागरिकलाई नेपाली नागरिकता दिने कार्यमा सहयोग गरेको आरोपमा पोखरा महानगरपालिका वडा नम्बर १८ का वडाध्यक्ष रणबहादुर थापा सहित तीन जना पक्राउ परेका छन् भने जिल्ला प्रशासन कार्यालय.....

छानबिनमा अबरोध नगर्न भन्दै युवाहरुको प्रदर्शन, रवि लामिछानेका समर्थकहरुद्वारा प्रहरीको गाडी तोडफोड, चार राउण्ड अश्रु ग्याँस प्रहार

पत्रकार  शालिकराम पुडासैनी आत्महत्या गर्न उत्प्रेरित गरेको आरोपमा प्रहरीले न्युज २४ टेलिभिजनका पत्रकार रबि लामिछाने लगायत तीन जनालाई पक्राउ गरे पछी चितवनको भरतपुरमा आज लामिछानेका.....

Exchange Rate

Nepali Patro