आफ्नै छोरी वलात्कार गरेको आरोपमा मन्त्रालयका उपसचिव यादव पक्राउ

संबाददाता : ओम हमाल     प्रकाशित मिति: (२०७६ जेष्ठ २८, मंगलवार) १५:५३

भौतिक पूर्वाधार तथा यातायात मन्त्रालयका उपसचिव रामाश्रय यादवलाई प्रहरीले आफ्नै छोरीलाई जबरजस्ती करणी गरेको अभियाेगमा घरबाटै सोमबार दिउँसो पक्राउ गरेको छ ।

महोत्तरी सोनमा गाविस–५ घर भई हाल ललितपुर धोविघाट बस्दै आएका ४५ वर्षीय यादवले १८ वर्षीया आफ्नै छोरीलाई जबरजस्ती करणी गरेको अभियाेगमा प्रहरीले पक्राउ गरेको हो ।

घरमा कोही नभएको मौकामा यादवले छोरीलाई आमा अहिले आउँदिन भन्दै जबरजस्ती करणी गर्दै आएका थिए । आफ्नै घरको तेस्रो तल्लाको कोठामा यादवले “विदेशतिर छोरीलाई करणी गर्छन नेपालमा पनि गर्दा केही हुँदैन” भन्दै छोरीलाई करणी गर्दै आएको अनुसन्धानको क्रममा देखिन आएको महानगरीय प्रहरी परिसर ललितपुरका प्रमुख एसएसपी रवीन्द्र धानुकले जानकारी दिए । उनले आफ्नै छोरीलाई बारम्बार जबरजस्ती करणी गरेको प्रहरीको प्रारम्भिक अनुसन्धानमा खुल्न आएको प्रहरीको भनाई  छ ।

१२ कक्षामा अध्ययनरत छोरीलाई उनले विगत ३/४ वर्षदेखि  छोरीलाई संवेदनशील अंगमा हातले छुने र डरधम्की देखाई करणी गर्दै आएको प्रहरी अनुसन्धानमा खुल्न आएको छ ।

अचम्मको कुरा त के भने आफनी छोरी आफ्नै श्रीमानद्वारा बलात्कृत हुँदै आएको थाहा पाएपनि उपसचिव रामाश्रय यादवकी श्रीमतीले “आफ्नै घरभित्रको “भन्दै लुकाएकी थिइन । तर गत जेठ १९ गते  उनै उपसचिव रामाश्रय यादवकी श्रीमती र पिडित छोरी सो घटना बाहिर ल्याए । आफु पढ्ने कलेजकै एक शिक्षकसंग प्रेममा रहेकी ती किशोरीले आफ्नै प्रेमी शिक्षककै दबाबको कारण किशोरीले पीडक बाबुबिरुद्ध प्रहरीमा जाहेरी दिएकी थिइन  ।  घटनाबारे थप अनुसन्धान भइरहेको प्रहरीले जनाएको छ ।


(२०७६ जेष्ठ २८, मंगलवार) १५:५३ मा प्रकाशित

°
Weather from OpenWeatherMap

मुख्य समाचार

सबै

पुर्वयुवराज पारसद्वारा त्रिभुवन अन्तररास्ट्रिय विमानस्थलमा जुनियर प्रहरी अधिकृतमाथि दुर्ब्यबहार

पटक पटक बिबादमा आइरहने पुर्व युवराज पारस शाह फेरी बिबादमा तानिएका छन्।  आज दिउँसो त्रिभुवन अन्तररास्ट्रिय बिमानस्थलमा ड्युटीमा रहेका एक जुनियर प्रहरी अधिकृतमाथि दुर्ब्यबहार गरेकाकारण उनी फेरी बिबादमा.....

बोक्सी भन्दै मानव मलमूत्र खुवाउने दुई महिला पक्राउ

महोत्तरी जिल्लाको भङ्गाहा नगरपालिका– ४ मा बोक्सीको आरोप लगाउँदै एक महिलालाई अन्य पाँच÷छ महिला मिलेर मानव मलमूत्र खुवाएका छन् । महोत्तरी जिल्ला प्रहरी कार्यालयका प्रहरी उपरीक्षक.....

पत्रकार पुडासैनीकी श्रीमतीद्वारा रवि लामिछाने लगायत तीन जनाविरुद्ध किटानी जाहेरी

चितवनमा झुण्डिएको अवस्थामा मृत भेटिएका पत्रकार शालिग्राम पुडासैनीकी श्रीमती सन्ध्या पुडासैनीले 'सिधा कुरा जनतासँग' कार्यक्रमका प्रस्तोता रवि लामिछाने, टिभी जर्नालिस्ट युवराज कँडेल र.....

Exchange Rate

Nepali Patro