माथिल्लो कर्णाली जलविद्युत् आयोजनाकाे सम्पर्क कार्यालयमा बम विस्फाेट

संबाददाता : ओम हमाल     प्रकाशित मिति: (२०७६ जेष्ठ २५, शनिबार) १७:५६

माथिल्लो कर्णाली जलविद्युत् आयोजनाको अछाम जिल्लाको तुर्माखाँद गाउँपालिका–३ असराघाटस्थित सम्पर्क कार्यालयलाई लक्षित गरेर शनिबार बिहान करिब साढे ४ बजेतिरअज्ञात समूहले प्रेसर कुकर बम विस्फोट गराएको छ । शौचालयमा राखिएको प्रेसर कुकर बम विस्फोटमा परी घरमा  पूर्ण क्षति भएको छ । साथै सोही समुहले भे.७ प.९६९८ नम्बरको मोटरसाइकलमा आगजनी पनि गरेको छ

जिल्ला प्रहरी कार्यालय अछामका प्रहरी प्रमुख प्रहरी नायव उपरीक्षक जनकबहादुर शाहीले दिएको जानकारी अनुसार, अज्ञात समुहको खोजी कार्यका लागि जिल्ला प्रहरी कार्यालयबाट प्रहरी निरीक्षक जगत गाहा मगरको कमाण्डमा १५ जना र मातहत इलाका प्रहरी कमलबजार, विनायक, प्रहरी चौकी भैरबस्थान, अस्थाई प्रहरी पोष्ट तुर्माखाँद, बेलखेत प्रहरी पोष्टबाट २५ जनाको प्रहरी टोली तुर्माखाँद गाउँपालिकामा परिचालन गरिएको छ ।

घटनास्थलदेखि ३ कि.मी.पूर्व कर्णाली नदी पारी दैलेखको आठविस नगरपालिका वडा नं.१ डावमा अपर कर्णाली हाईड्रोपावरको कार्यालय रहेको छ । यसअघि विप्लव नेतृत्वको नेकपाका कार्यकर्ताले विभिन्न जलविद्युत् आयोजनामा बम विस्फोट गराएकाले यहाँ पनि विप्लव समूहले नै विस्फोट गराएको हुनसक्ने आशंका गरिएको छ । प्रहरीले सुरक्षा व्यवस्था कडा पार्न थालेको छ ।


(२०७६ जेष्ठ २५, शनिबार) १७:५६ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना