कर्णाली प्रदेशका मुख्यमन्त्री शाहीलाइ लक्षित गर्दै बम बिष्फोट, कार्यक्रममा सहभागी भागाभाग

संबाददाता : ओम हमाल     प्रकाशित मिति: (२०७६ जेष्ठ १५, बुधबार) २०:२८

कर्णाली प्रदेशका मुख्यमन्त्री महेन्द्रबहादुर शाही लक्षित गर्दै कालिकोट जिल्लाको पलाता गाउँपालिकाको थिर्पुमा बम बिष्फोट भएको छ।

कालिकोट जिल्लाको पलाँता गाउँपालिका–९ थिर्पुमा आयोजना गरिएको जिल्लास्तरीय राष्ट्रपति रनिङ सिल्ड प्रतियोगिता तथा पलाँता खेलकुद तथा पर्यटन महोत्सव उद्घाटन गरी फर्किने क्रममा मुख्यमन्त्रीलाई नै लक्षित गरी बम बिष्फोट गराईएको प्राप्त  समाचारमा जनाइएको छ ।

कर्णाली प्रदेशका मुख्यमन्त्री महेन्द्रबहादुर शाही र सामाजिक विकास मन्त्री दल रावल सहितको टोली पलाँता गाउँपालिका केन्द्रमा जिल्लास्तरीय ११औं राष्ट्रपति रनिङ सिल्ड प्रतियोगिता तथा पलाँता खेलकुद तथा पर्यटन महोत्सवलाई उद्घाटन गरी हेलिप्याडस्थलमा जाने क्रममा कार्यक्रम स्थलबाट करिब डेढ किलोमिटर दूरीमा विस्फोट भएका हो ।

कार्यक्रमस्थल नजिक बम बिस्फोट भएपछि धुँवा उडेको देखेपछि कार्यक्रममा सहभागीहरु आत्तिएका थिए । कडा सुरक्षाकाबीच मुख्यमन्त्री शाही, सामाजिक विकास मन्त्री रावल लगायत टोलीलाई हेलिप्याडस्थलबाट पठाइएको थियो ।

सो बम बिष्फोट बिद्रोही ने.क.पा.का कार्यकर्ताले गराएको हुन सक्ने सर्वत्र टिप्पणी भए पनि विप्लव नेतृत्वको नेपाल कम्युनिष्ट पार्टीले यस बारेमा आधिकारिक सुचना जारी गरेको छैन ।

यस अघि गणतन्त्र दिवसकै अवसरमा कालिकोटको महावै गाउँपालिका, जिल्ला सदरमुकाम र पलाँता खेलकुद तथा पर्यटन महोत्सव, जिल्लास्तरीय ११ औं राष्ट्रपति रनिङ सिल्ड प्रतियोगिता, रेडियो पलाँता आवाज र सहिद स्मृति भवनको मुख्यमन्त्री शाहीले उद्घाटन गरेका थिए । उनले आफ्नो उद्घाटन मन्तव्यका क्रममा  विप्लव नेतृत्वको ने.क.पा.लाई लक्षित गर्दै ‘दुई÷चारजनाले तर्साउँदैमा द्वन्द्व निम्त्याउन नसक्ने टिप्पणी गरेका थिए ।


(२०७६ जेष्ठ १५, बुधबार) २०:२८ मा प्रकाशित

°
Weather from OpenWeatherMap

मुख्य समाचार

सबै

वाम बुद्धिजीवी एबम लेखक गुणराज लोहनी गिरफ्तार, धर्मपत्नीद्वारा गिरफ्तारीको कारण माग

पार्टीले बिदाइ गरेको समाचार सार्वजनिक भएकै दिन प्रहरीले नेत्रविक्रम चन्द 'विप्लव' नेतृत्वको नेता भएको आरोपमा वाम बुद्धिजीवी एबम लेखक गुणराज लोहनीलाई गिरफ्तार गरेको छ । उनलाई प्रहरीले चितवन जिल्लाको.....

पुर्व गृहराज्यमन्त्री एबम सांसद कंडेल भारतीय भएको खुलासा

नेपालमा गृहराज्यमन्त्री भैसकेका नेपाली कांग्रेसका नेता एबम सांसद देवेन्द्रराज कँडेल भारतीय नागरिक भएको रहस्य खुलेको छ । उनी उत्तरप्रदेश, महाराजगन्जको ठुठीबारीस्थित राधादेवी.....

ने.क.पा. सर्लाहीका तात्कालीन इन्चार्ज पौडेललाई नियन्त्रणमा लिएर गोली हानी हत्या गरिएको मानव अधिकार आयोगको निष्कर्ष, प्रनि साहलगायतलाई कारवाहीको सिफारिश

सरकारी पक्षले नेत्रविक्रम चन्द ‘विप्लव’ नेतृत्वको ने.क.पा.का तात्कालीन सर्लाही इञ्चार्ज कुमार पौडेल प्रहरीसँगको दोहोरो गोली हानाहानमा मारिएको दाबी गरिरहेको अवस्थामा एक अर्ध न्यायिक.....

Exchange Rate

Nepali Patro