अखिल (क्रान्तिकारी)द्वारा आगामी जेठ ५ गते देशव्यापी आम शैक्षिक हड्तालको घोषणा

संबाददाता : ओम हमाल     प्रकाशित मिति: (२०७६ बैशाख २९, आईतवार) ०६:२६

विप्लव नेतृत्वको नेपाल कम्युनिस्ट पार्टी निकटअखिल (क्रान्तिकारी)ले आफ्नो सङ्गठनका अध्यक्ष चिरञ्जीवी ढकाल गिरफ्तारीको विरोधस्वरूप आगामी जेठ ५ गते देशव्यापी आम शैक्षिक हड्तालको घोषणा गरेको छ ।  अध्यक्ष ढकालको रिहाइको लागि सङ्गठनका उपाध्यक्ष रुद्र भट्टराईले शुक्रबार प्रेस विज्ञप्ति जारी गरेर सार्वजनिक गरेको चरणवद्ध  सङ्घर्षका कार्यक्रमहरु अन्तर्गत आगामी जेठ ५ गते देशव्यापी आम शैक्षिक हड्तालको घोषणा गरिएको हो ।

अखिल (क्रान्तिकारी)ले सार्वजनिक गरेका कार्यक्रमहरुमा बैशाख २९ गते देशभर विरोधसभा, जेठ १ गते विरोध प्रदर्शन, जेठ ४ गते मशाल जुलुस र ५ गते आम शैक्षिक हड्ताल रहेका छन्  ।

यसअघि ११ विद्यार्थी सङ्गठनहरुले पनि ढकालको रिहाइको लागि २४ घण्टे अल्टिमेटम दिएको थियो । रिहाइ नगरे देशव्यपी सङ्घर्षका कार्यक्रम घोषणा गर्ने ११ विद्यार्थी नेताहरुले संयुक्त विज्ञप्तिमार्फत बताएका छन् ।

शुक्रबार प्रहरीले पत्रकार सम्मेलनबाटै सङ्गठनका अध्यक्ष चिरञ्जीवी ढकाललाई गिरफ्तार गरेको थियो ।


(२०७६ बैशाख २९, आईतवार) ०६:२६ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना