कास्कीको रुपा गाउँपालिकाबाट हतियारसहित चार जना गिरफ्तार

संबाददाता : ओम हमाल     प्रकाशित मिति: (२०७५ फाल्गुन २२, बुधबार) ०७:३३

कास्की जिल्लाको रुपा गाउँपालिकाबाट हातहतियार सहित चार जना पक्राउ परेका छन् । पक्राउ पर्नेमा कास्कीको रुपा गाउँपालिका ७ घर भई हाल पोखरा महानरपालिका ३० शिशुवा बस्ने वर्ष ५५ को नारायण बहादुर गुरुङ, रुपा गाउँपालिका ७ तालबेशि बस्ने वर्ष ४८ को डिल बहादुर गुरुङ, रुपा गाउँपालिका ७ तिलखोरिया बस्ने वर्ष ४५ को सुरेश गुरुङ र वर्ष ५४ को मन बहादुर थापा मगर छन् ।

उन्नीहरुको साथबाट प्रहरीले दुई थान १२ बोर राईफल र तीन थान भरुवा बन्दुक पनि बरामद गरेको छ । रुपा गाउँपालिका–७ तालवेशी तथा सौर्यवासका विभिन्न ठाउँमा अवैद्य रुपमा हातहतियार लुकाई छिपाई राखेको गोप्य सूचना पाएपछि गएको प्रहरी टोलीले उनीहरुलाई गिरफ्तार गरेको कास्की प्रहरीले जानकारी दिएको छ । पक्राउ परेका सबै जनालाई कास्की प्रहरीले थप अनुसन्धान गरिरहेको छ ।

उनीहरु राजनीतिक कार्यकर्ता हुन् या कुनै हतियार कारोवार गर्ने गिरोह हुन् भन्ने बारेमा प्रहरीले केही खुलाएको छैन l तर उनीहरु हतियार कारोबार गर्ने कार्यमा संलग्न समूह भएको अनुमान गरिएको छ l


(२०७५ फाल्गुन २२, बुधबार) ०७:३३ मा प्रकाशित

Exchange Rate

Nepali Patro