ब्रेकिङ :पाकिस्तान भित्र १२ मिराज लडाकु विमान छिरेर भारतले गर्यो १००० किलोको बम आक्रमण

संबाददाता : आस्था नेपाली     प्रकाशित मिति: (२०७५ फाल्गुन १४, मंगलवार) १४:०१

नयाँ दिल्ली । भारतीय सञ्चारमाध्यमहरुले इण्डियन एयर फोर्सको हवाला दिँदै भारतका लडाकू विमानले आज बिहान ३ः३० बजे बालाकोटको आसपासमा रहेको जैश ए मोहम्मदको क्याम्पमा हमला गरेको जनाएका छन् । सेनाको आक्रमणबाट उक्त समूहको क्याम्प ध्वस्त भएको समेत सञ्चार माध्यममा जनाइएको छ । तर, भारत सरकारले औपचारिक रुपमा भने केही पनि बताएको छैन ।

कांग्रेस आईका अध्यक्ष राहुल गान्धीले ट्विट गर्दै ‘म भारतीय वायु सेनाका पाइलटहरुलाई सलाम गर्छु’ भनेका छन् । पाकिस्तानको सेनाका प्रवक्ता मेजर जनरल आसिफ गफूरले ट्विट गर्दै मुजफफरावाद सेक्टरमा भारतीय सेनाले घुसपैठको प्रयास गरेको र लगत्तै पाकिस्तानको सेनाले कारवाही गरेको बताएका छन् ।

उनले त्यसपछि भारतीय विमान त्यहाँबाट भागेको र भाग्ने बेलामा हडबडाएर केही बम बालाकोट क्षेत्रमा फालिएको र त्यसबाट कुनै नोक्सान तथा हताहती नभएको पाकिस्तानी सेनाका प्रवक्ताले बताएका छन्।

१४ फेब्रुवरीका दिन भारतको पुलवामा क्षेत्रमा भारतीय सुरक्षाकर्मी मारिएपछि भारतका प्रधानमन्त्री नरेन्द्र मोदीले सेनालाई आफ्नो निर्णय लिन खुला गरिएको बताएका थिए । सो घटनापछि भारत र पाकिस्तानबीच तनावको अवस्था रहेको छ ।

समाचार संस्था रोयटर्सले भारतीय सेनाको लडाकु विमानले सीमा क्षेत्रको नियन्त्रण रेखा पार गरेर बिस्फोटक पदार्थ (पेलोड) खसालेको पाकिस्तानी सेनालाई उद्धृत गर्दैजनाएको छ ।

विदास्पत कश्मीरको नियन्त्रण रेखा पारेर गरेर भारतीय सेनाको विमानले बिस्फोटक पदार्थ खसालेको पाकिस्तानी सेनाको भनाई छ । घटनामा मानवीय क्षति भने नभएको पाकिस्तानी सेनाले जानकारी दिएको समाचार संस्था रोयटर्सको खबरमा उल्लेख छ ।

पाकिस्तानी सेनाका प्रवक्ता मेजर जनरल आसिफ गफूरले ट्वीट गरेका छन्, ‘भारतीय सेनाको विमान मुजफराबाद क्षेत्रबाट प्रवेश गर्‍यो ।’

कश्मीरमा प्रवेश गरेको भारतीय सेनाको विमानको प्रतिकारमा पाकिस्तानी हवाई सेना तम्तयार रहेको देखेपछि पेलोड खसालेर भारतीय विमान फर्किएको मेजर जनरल गफूरले उल्लेख गरेका छन् ।

भारतीय सेनाको विमानले खसालेको पेलोड बालाकोट क्षेत्रमा खसेको उनले बताए । यसबाट कुनै क्षति भने नभएको पाकिस्तानी सेनाका प्रवक्ताले उल्लेख गरेका छन् ।

भारतीय सेनाले नियन्त्रण रेखा पार गरेर नियम उल्लंघन गरेको पाकिस्तानी सेनाले जनाएको छ ।

यदपी भारतीय संञ्चार माध्यमले भने जेएस मोहोम्बदको ट्रेनिङ क्याम्पलाई लक्षित गरि गरिएको भारतीय बायु सेनाको यो मिसनमा लगभग २०० देखी ३०० आतङकारी मारिएको भन्दै समाचार देखाईेको छ।


(२०७५ फाल्गुन १४, मंगलवार) १४:०१ मा प्रकाशित

°
Weather from OpenWeatherMap

मुख्य समाचार

सबै

पुर्वयुवराज पारसद्वारा त्रिभुवन अन्तररास्ट्रिय विमानस्थलमा जुनियर प्रहरी अधिकृतमाथि दुर्ब्यबहार

पटक पटक बिबादमा आइरहने पुर्व युवराज पारस शाह फेरी बिबादमा तानिएका छन्।  आज दिउँसो त्रिभुवन अन्तररास्ट्रिय बिमानस्थलमा ड्युटीमा रहेका एक जुनियर प्रहरी अधिकृतमाथि दुर्ब्यबहार गरेकाकारण उनी फेरी बिबादमा.....

बोक्सी भन्दै मानव मलमूत्र खुवाउने दुई महिला पक्राउ

महोत्तरी जिल्लाको भङ्गाहा नगरपालिका– ४ मा बोक्सीको आरोप लगाउँदै एक महिलालाई अन्य पाँच÷छ महिला मिलेर मानव मलमूत्र खुवाएका छन् । महोत्तरी जिल्ला प्रहरी कार्यालयका प्रहरी उपरीक्षक.....

पत्रकार पुडासैनीकी श्रीमतीद्वारा रवि लामिछाने लगायत तीन जनाविरुद्ध किटानी जाहेरी

चितवनमा झुण्डिएको अवस्थामा मृत भेटिएका पत्रकार शालिग्राम पुडासैनीकी श्रीमती सन्ध्या पुडासैनीले 'सिधा कुरा जनतासँग' कार्यक्रमका प्रस्तोता रवि लामिछाने, टिभी जर्नालिस्ट युवराज कँडेल र.....

Exchange Rate

Nepali Patro