भागबन्डाको दबाबले निर्णयविहीन बन्दै त्रिवि

संबाददाता : मोनिका गुरुङ     प्रकाशित मिति: (२०७३ मंसिर २५, शनिबार) ०१:०४

विभिन्न आन्दोलन तथा दलीय भागबन्डाको दबाबका कारण त्रिभुवन विश्वविद्यालय निर्णयविहीन हुँदै गएको छ । पछिल्लो समय डा. गोविन्द केसीको आमरण अनशन तथा प्राध्यापकहरूका संघ–संगठनले भागबन्डाका लागि दबाब दिइरहेका कारण त्रिविले महतवपूर्ण निर्णय गर्न सकेको छैन ।

त्रिविले विभिन्न संकाय तथा अध्ययन संस्थानमा पूर्णकालीन डिन नियुक्त गर्न सकेको छैन । केन्द्रीय विभाग तथा केही आंगिक क्याम्पसमा समेत उस्तै अवस्था छ । राजनीतिक दलनिकट वैचारिक संगठनहरूले भागबन्डामा नियुक्ति पाएका त्रिवि पदाधिकारीलाई आफ्ना संगठनको प्रभुत्व बढाउन दबाब दिइरहेको कर्मचारीको गुनासो छ ।  डा. केसी अनशन बस्ने डरले त्रिविले मेडिकल शिक्षासम्बन्धी कुनै पनि निर्णय गर्न नसकेको त्रिविका अधिकारीहरू बताउँछन् ।

आधा दर्जन डिन तीनमहिने र निमित्त

अहिले झन्डै आधा दर्जन डिन कार्यालय तीनमहिने र निमित्त डिनहरूले चलाएका छन् । त्रिविको वन विज्ञान अध्ययन संस्थानमा प्रा.डा. कृष्णराज तिवारीले गत २ असोजदेखि तीन महिनाका लागि नियुक्ति पाएका छन् । हाल मानविकी तथा सामाजिक शास्त्र संकायमा तीनमहिने डिनले काम गरिरहेका छन् । अघिल्लो चारवर्षे कार्यकाल सकेका प्रा.डा. चिन्तामणि पोखरेललाई तीन महिनाका लागि भन्दै गत २ असोजमा नियुक्ति दिइएको थियो ।

व्यवस्थापन संकायमा नवराज अधिकारी, शिक्षाशास्त्र संकायमा नेत्रप्रसाद धिताललाई आर्थिक अधिकारसहित निमित्त डिनको जिम्मेवारी दिइएको छ । त्यसैगरी, विज्ञान तथा प्रविधि अध्ययन संस्थानमा प्रा.डा. रामप्रसाद खतिवडाले तीनमहिने कार्यकाल सकेर निमित्त डिनको रूपमा काम गरिरहेका छन् ।

केन्द्रीय विभागमा पनि भद्रगोल

त्रिविका विभिन्न विषयका केन्द्रीय विभागमा समेत उस्तै समस्या छ । जनसंख्या अध्ययन केन्द्रीय विभागमा पूर्ण अवधि सकेका डा. रामशरण पाठकलाई २७ कात्तिकमा दैनिक कार्य सञ्चालनका लागि बढीमा तीन महिनासम्म काम गर्न डिनको जिम्मेवारी दिइएको छ ।

त्रिवि नियमअनुसार तीन महिनाको अवधि दोहो¥याउन नहुने भएपछि तीनमहिने अवधि सकिएकालाई नै निमित्त डिनको जिम्मेवारी दिइएको छ । जल तथा मौसम केन्द्रीय विभागमा डा. दीपक अर्याललाई तीन महिनाका लागि जिम्मेवारी दिइएको छ ।

मिलाउन खोज्दा ढिला भयो : त्रिवि उपकुलपति

त्रिवि उपकुलपति प्रा.डा. तीर्थराज खनियाँले केही समय चिकित्साशास्त्र अध्ययन संस्थानको डिन नियुक्तिको विषय र अरू कारण जोडिएर निर्णय प्रक्रियामा ढिलाइ भएको दाबी गरे । उनले नियुक्तिका लागि विभिन्न संघ–संगठनबाट दबाब आइरहेको बताए । तर, त्यसकै कारण ढिलाइ नभएको उनको भनाइ छ । ‘त्रिविमा प्राध्यापक, कर्मचारी, विद्यार्थीका पार्टीनिकट संघ–संगठन छन् । उनीहरू कसैलाई हेपिएको महसुस नहोस् भनेर समायोजन गर्न खोज्दा ढिलाइ भयो,’ उपकुलपति खनियाँले भने, ‘अब नियुक्तिसम्बन्धी निर्णय प्रक्रिया चाँडै अगाडि बढ्छ ।’

आधा दर्जन डिन तीनमहिने र निमित्त

अहिले झन्डै आधा दर्जन डिन कार्यालय तीनमहिने र निमित्त डिनहरूले चलाएका छन् । त्रिविको वन विज्ञान अध्ययन संस्थानमा प्रा.डा. कृष्णराज तिवारीले गत २ असोजदेखि तीन महिनाका लागि नियुक्ति पाएका छन् । हाल मानविकी तथा सामाजिक शास्त्र संकायमा तीनमहिने डिनले काम गरिरहेका छन् । अघिल्लो चारवर्षे कार्यकाल सकेका प्रा.डा. चिन्तामणि पोखरेललाई तीन महिनाका लागि भन्दै गत २ असोजमा नियुक्ति दिइएको थियो । व्यवस्थापन संकायमा नवराज अधिकारी, शिक्षाशास्त्र संकायमा नेत्रप्रसाद धिताललाई आर्थिक अधिकारसहित निमित्त डिनको जिम्मेवारी दिइएको छ । त्यसैगरी, विज्ञान तथा प्रविधि अध्ययन संस्थानमा प्रा.डा. रामप्रसाद खतिवडाले तीनमहिने कार्यकाल सकेर निमित्त डिनको रूपमा काम गरिरहेका छन् ।

केन्द्रीय विभागमा पनि भद्रगोल

त्रिविका विभिन्न विषयका केन्द्रीय विभागमा समेत उस्तै समस्या छ । जनसंख्या अध्ययन केन्द्रीय विभागमा पूर्ण अवधि सकेका डा. रामशरण पाठकलाई २७ कात्तिकमा दैनिक कार्य सञ्चालनका लागि बढीमा तीन महिनासम्म काम गर्न डिनको जिम्मेवारी दिइएको छ । त्रिवि नियमअनुसार तीन महिनाको अवधि दोहोरयाउन नहुने भएपछि तीनमहिने अवधि सकिएकालाई नै निमित्त डिनको जिम्मेवारी दिइएको छ । जल तथा मौसम केन्द्रीय विभागमा डा. दीपक अर्याललाई तीन महिनाका लागि जिम्मेवारी दिइएको छ ।


(२०७३ मंसिर २५, शनिबार) ०१:०४ मा प्रकाशित

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना

Exchange Rate

Nepali Patro

कोरोना भाइरस नियन्त्रण सम्बन्धि गण्डकी प्रदेशको सूचना
कोरोना भाइरस नियन्त्रण सम्बन्धि गण्डकी प्रदेशको सूचना