मुख्यमन्त्री कार्यालय र जिल्ला अदालतको गाडीको चाबी खोस्ने नेविसंघका केन्द्रीय सदस्य ढकालसहित चार जना पक्राउ

संबाददाता : ओम हमाल     प्रकाशित मिति: (२०७५ माघ २३, बुधबार) ०२:५७

मुख्यमन्त्री कार्यालय र जिल्ला अदालतको दुईवटा गाडी नियन्त्रणमा लिएर चाबी खोसेको आरोपमा प्रहरीले नेविसंघका केन्द्रिय सदस्य भानु ढकाल सहित ४ जनालाई पोखराबाट प्रहरीले पक्राउ गरेको छ । पक्राउ पर्नेमा ढकालसँगै नेविसंघ नेताहरु गोविन्द नेपाली, विधान लामिछाने र सागर सापकोटा छन् । उनीहरुलाई बैदाम प्रहरीले पक्राउ गरेको हो ।

आफ्नो संगठनका विद्यार्थीहरु रिहाईको माग सहित आन्दोलनरत नेविसंघले मंगलबार दिउँसो आफ्नो मातृ पार्टी नेपाली कांग्रेस पार्टी कार्यालय चिप्लेढुंगा अघि सडक बन्द गरेको थियो । त्यही क्रममा उनीहरुलेमुख्यमन्त्री कार्यालय र जिल्ला अदालतको दुईवटा गाडी नियन्त्रणमा लिएर चाबी खोसेका थिए  ।

नेबिसंघका कार्यकर्ताले चाबी खोसेका मुख्यमन्त्री कार्यालय र जिल्ला अदालतको गाडी
नेबिसंघका कार्यकर्ताले चाबी खोसेका मुख्यमन्त्री कार्यालय र जिल्ला अदालतको गाडी

आन्दोलनरत विद्यार्थीहरुले  मुख्यमन्त्री कार्यालयको बा २ झ १३६३ र जिल्ला अदालत कास्कीको बा १ झ ८१५९ नम्बरको गाडी नियन्त्रणमा लिएका हुन् । मुख्यमन्त्री कार्यालयको गाडीको चाबी पृथ्वीचोकबाट र अदालतको गाडी को चाबी चिप्लेढुंगाबाटलिएका थिए ।विद्युत कार्यालयको बा १ झ १७० नम्बरको गाडीलाइ पनि उनीहरुले नियन्त्रणमा लिएको भएपनि अर्को चाबी प्रयोग गरेर त्यो गाडी लागिएको थियो  ।

सार्वजनिक शान्ति विरुद्ध काम गरेकोले पक्राउ गरिएको बैदाम प्रहरी प्रमुख डिएसपी नवीन कार्कीले बताए । ‘सरकारी गाडीको चावी लगेको बुझिएकाले नियन्त्रणमा लिएर खोज्दा चावी भेटियो । त्यसैले नियन्त्रणमा लिएका हौं–उनले भने ।’

यस अघि सार्वजनिक विदाको दिन सरकारी गाडी चलाएको भन्दै शनिबार पोखरा महानगरको गाडी जलाईएको थियो । गाडी जलाएको आरोपमा प्रहरीले नेविसंघका ५ नेतालाई पक्राउ गरेको थियो । त्यतिबेला पक्राउ परेकामध्ये राजेन्द्र बराल र लक्ष्मी पौडेल छुटिसकेका छन् । परशुराम बस्नेत, डिफान भुजेल र विनय पौडेल अहिले पनि प्रहरी हिरासतमा छन् । उनीहरुको रिहाईका लागि काँग्रेस कास्कीले पनि चरणबद्ध आन्दोलन घोषणा गरेको छ ।

आफ्ना गिरफ्तार नेता तथा कार्यकर्ता रिहाईको लागि माग गर्दै नेविसंघका तीन केन्द्रीय सदस्यले जारी गरेको बिज्ञप्त

यसैबीच, आफ्ना गिरफ्तार नेता तथा कार्यकर्ता रिहाईको लागि माग गर्दै नेविसंघका तीन केन्द्रीय सदस्यले जारी गरेको बिज्ञप्तविद्यार्थी रिहाईको माग गर्दै नेपाल विद्यार्थी संघले कास्कीमा चरणबद्ध आन्दोलन घोषणा गरेको छ । आन्दोलन अन्तर्गत बुधबार जिल्लाभर सरकारी गाडी चल्न नदिने घोषणा छ । बुधबार नै ८ देखि १० बजेसम्म जिल्लाभरीका क्याम्पस अगाडी चक्काजाम र विरोध प्रदर्शन गर्ने कार्यक्रम रहेको नेविसंघ केन्द्रिय सदस्य भानु ढकालले जानकारी दिए ।उनका अनुसार विहिबार पोखरा महागरको शिक्षा शाखा र जिल्ला शिक्षा विकास तथा समन्वय इकाईको कामकाज ठप्प पार्ने तथा शुक्रबार कालोपट्टी सहित प्लोकार्ड लिएर शान्तिपूर्ण धर्ना दिने कार्यक्रम छ । आफ्ना माग सुनुवाई नभए शनिबारदेखि अनिश्चित कालका लागि शैक्षिक संस्थाहरु बन्द गर्ने नेविसंघले चेतावनी दिएको छ ।

मंगलबार नेविसंघका तीन केन्द्रिय सदस्यले संयुक्त विज्ञप्तीबाट आन्दोलनको कार्यक्रम घोषणा गरेका हुन् । आन्दोलनका कार्यक्रममा केन्द्रिय सदस्यहरु ढकालसँगै गोपाल गुरुङ र देवकृष्ण पराजुलीले पनि हस्ताक्षर गरेका छन् ।

 


(२०७५ माघ २३, बुधबार) ०२:५७ मा प्रकाशित

°
Weather from OpenWeatherMap

मुख्य समाचार

सबै

पुर्वयुवराज पारसद्वारा त्रिभुवन अन्तररास्ट्रिय विमानस्थलमा जुनियर प्रहरी अधिकृतमाथि दुर्ब्यबहार

पटक पटक बिबादमा आइरहने पुर्व युवराज पारस शाह फेरी बिबादमा तानिएका छन्।  आज दिउँसो त्रिभुवन अन्तररास्ट्रिय बिमानस्थलमा ड्युटीमा रहेका एक जुनियर प्रहरी अधिकृतमाथि दुर्ब्यबहार गरेकाकारण उनी फेरी बिबादमा.....

बोक्सी भन्दै मानव मलमूत्र खुवाउने दुई महिला पक्राउ

महोत्तरी जिल्लाको भङ्गाहा नगरपालिका– ४ मा बोक्सीको आरोप लगाउँदै एक महिलालाई अन्य पाँच÷छ महिला मिलेर मानव मलमूत्र खुवाएका छन् । महोत्तरी जिल्ला प्रहरी कार्यालयका प्रहरी उपरीक्षक.....

पत्रकार पुडासैनीकी श्रीमतीद्वारा रवि लामिछाने लगायत तीन जनाविरुद्ध किटानी जाहेरी

चितवनमा झुण्डिएको अवस्थामा मृत भेटिएका पत्रकार शालिग्राम पुडासैनीकी श्रीमती सन्ध्या पुडासैनीले 'सिधा कुरा जनतासँग' कार्यक्रमका प्रस्तोता रवि लामिछाने, टिभी जर्नालिस्ट युवराज कँडेल र.....

Exchange Rate

Nepali Patro