संगीतकर्मी सुनिल बर्देवाको निधन

संबाददाता : मोनिका गुरुङ     प्रकाशित मिति: (२०७३ भाद्र २८, मंगलवार) १९:४४

गायक, एरेन्जर तथा गिटारिस्ट सुनिल बर्देवाको ४४ वर्षको उमेरमा मंगलबार साढे ८ बजे निधन भएको छ । शिक्षण अस्पताल महाराजगञ्जमा उपचारको क्रममा बर्देवाको निधन भएको गायक प्रमोद निर्वाणले जानकारी दिए । निर्वाण बर्देवाका फूपूका छोरा हुन् ।

केही समयदेखि जण्डिसबाट पीडित गायक बर्देवाले धुम्बाराहीस्थित घरमा असहज महसुस गरेपछि आफन्तले मंगलबार साँझ शिक्षण अस्पताल पुर्‍याएका थिए । पुरानो महाराजगञ्जस्थित घर छाडेर केही समयदेखि बर्देवा धुम्बाराहीमा बसोबास गरिरहेका थिए ।

उनका दुई छोरी र एक छोरा छन् । तीनै जना नारायगढस्थित मामाघरमा बसेर पढिरहेका छन् । चितवनबाट उनका तीन सन्तान काठमाडौं आएपछि बुधबार उनको अन्त्येष्टि गरिने सल्लाह भएको निर्वाणले बताए ।

उनी केही समयदेखि बानेश्वरस्थित ब्ल्याक पेपड स्टुडियोमा एरेन्जरको रुपमा कार्यरत थिए । कुनै समय गोरेटो अनि उस्तै छ गल्ली बोलको गीतबाट चर्चा पाएका उनको ४ एल्बम सार्वजनिक भएका छन् भने उनले हजार भन्दा बढी गीतमा एरेन्जरको रुपमा काम गरेका छन् ।

उनले निमा रुम्बा, नविन के. भट्टराई, राजु लामाजस्ता चर्चित गायकका एरेन्जरको रुपमा काम गरिसकेका छन् ।


(२०७३ भाद्र २८, मंगलवार) १९:४४ मा प्रकाशित

°
Weather from OpenWeatherMap

मुख्य समाचार

सबै

नेपाल र चीनबीच १७ वटा सम्झौतामा हस्ताक्षर

नेपाल र चीनबीच १७ वटा सम्झौतामा हस्ताक्षर भएको छ । सम्झौता, सहमति र साझेदारी पत्र गरी १७ वटा विषयमा हस्ताक्षर भएको छ । चिनियाँ राष्ट्रपति सी चिनफिङ र प्रधानमन्त्री केपी शर्मा ओलीको उपस्थितिमा सहमति तथा.....

बम काण्डमा संलग्न भएको आरोपमा नेपाली कांग्रेसका सांसद आलम पक्राउ

०६४ सालको बम काण्डमा संलग्न भएको आरोपमा नेपाली कांग्रेसका सांसद मोहम्मद अफ्ताव आलमलाई प्रहरीले आइतबार विहान रौतहटको गौरबाट पक्राउ गरेको छ । मन्त्रीसमेत भइसकेका आलम रौतहट क्षेत्र नं. २.....

पृथ्वी घुम्न छोडेन, “पृथ्वीमाथि प्रतिवन्ध लगाऊ चाँडो !” : परशुराम कोइराला

"पृथ्वीमाथि प्रतिवन्ध लगाऊ चाँडो !" महामिम अादेश हो यो किनभने पृथ्वी घुम्न नरोकिएको देखेर महामिमहरू सबै विलखमन्द छन् । ....घुम्न प्रतिबन्धै लगाए पनि पृथ्वी घुम्न अझै छोडेन र त महामिमहरु.....

Exchange Rate

Nepali Patro