काठमाडौंको फोहोर व्यवस्थापनको जिम्मा भारतीय र फिनिस कम्पनीलाई !

संबाददाता : मोनिका गुरुङ     प्रकाशित मिति: (२०७३ भाद्र १९, आईतवार) ०७:१९

काठमाडौंको फोहोर मैला व्यवस्थापनका लागि काम अघि बढ्ने भएको छ । लगानी बोर्डले काठमाडौंका लागि छुट्टै तथा ललितपुर र भक्तपुरको फोहोर व्यवस्थापनका लागि दुई कम्पनीसँग परियोजना विकास सम्झौता (पीडीए) को प्रक्रिया सुरु भइसकेको जनाएको छ ।

‘हामीले हेरिरहेका आयोजनाहरुमध्ये काठमाडौंको फोहोरमैला व्यवस्थापन आयोजना अहिलेसम्म सबैभन्दा आशलाग्दो स्थिति छ,’ लगानी बोर्डका प्रमुख कार्यकारी अधिकृत महाप्रसाद अधिकारीले आइतबार आफ्नै कार्यकक्षमा पत्रकारहरुसँग कुरा गर्दै भने ।

सीइओ अधिकारीका अनुसार चाँडोभन्दा चाँडो फोहोरमैला व्यवस्थापनका लागि एक भारतीय र एक फिनल्याण्डको कम्पनीसँग पीडीए सम्झौता हुनेछ ।

‘केहीदिन भित्रै आयोजना विकासको सम्झौता हुनेछ,’ उनले भने । काठमाडौं उपत्यकाको फोहोरको व्यवस्थापन अत्यावश्यक रहेकाले लगानी बोर्डले पनि यसलाई गंभीरतापूर्वक हेरिरहेको अधिकारीले बताए ।

लगानी बोर्डले उपत्यकाको फोहोर व्यवस्थापनका लागि ३ वटा प्याकेज बनाएको छ । पहिलो प्याकेजमा काठमाडौंको मात्रै र दोस्रो प्याकेजमा ललितपुरको र तेस्रो भक्तपुरको फोहोर मैला व्यवस्थापनका लागि कम्पनी स्थापना गरे अघि बढ्ने ।

त्यसका लागि बोर्डले एउटै वा छुट्टाछुट्टै कम्पनीसँग परियोजना विकासको सम्झौता गर्नसक्ने सीइओ अधिकारीले बताए ।

काठमाडौको फोहोर व्यवस्थापनका लागि फिनल्याण्डको कम्पनी नेपवेज र ललितपुर तथा भक्तपुरका लागि भारतीय कम्पनी ग्रीन भ्याली नामक कम्पनीसँग पीडिएनएको तयारी भइरहेको उनले जानकारी दिए ।

ती कम्पनीहरुले उपत्यकाको फोहोर संकलन गरेर प्रशोधन र डिस्पोजल गर्नेछन् । फोहोरको प्रशोधन गरेर मल तथा अन्य वस्तुको उत्पादन पनि गर्न सकिने भएकाले यो आयोजना बहुउपयोगी हुने लगानी बोर्डको निष्कर्श छ ।

आयोजनाको विस्तृत अध्ययन प्रतिवेद (डीपीआर) बोर्डले पारित गरिसकेको अधिकारीले जानकारी दिए । फोहोर मैला व्यवस्थापनका लागि लगानी बोर्डले नियुक्त गरेको अन्तराष्ट्रिय कन्सलट्यान्ट सीओडब्लुआइले आफ्नो प्रतिवेदन बुझाइसकेको छ ।

विक्रमसम्वत् २०६६ सालदेखि काठमाडौंको फोहोर मैला व्यवस्थापन गर्ने भन्दै आवेदन दिएका थिए । ०६८ मा लगानी बोर्ड गठन भएपछि फोहोर मैला व्यवस्थापन सहित १५ वटा ठूला आयोजना लगानी बोर्डले नै हेर्दै आएको छ ।


(२०७३ भाद्र १९, आईतवार) ०७:१९ मा प्रकाशित

मुख्य समाचार

सबै

राखेपका पदाधिकारीको लापवाही : साग प्रतियोगितास्थलमा बिस्फोट, बालक घाईते

१३ औं दक्षिण एसियाली खेलकुद प्रतियोगिता (साग)अन्तर्गत कुस्ती खेल भइरहेको जनकपुरमा पटाका विष्फोट हुँदा एक बालक गम्भीर घाइते भएका छन्। कुस्ती प्रतियोगिता भइरहेको स्थल कभर्ड हल नजिकै शनिबार भएको विष्फोटमा.....

सरकारी जग्गा व्यक्तिको नाममा पास गर्न खोज्ने सत्तारुढ नेकपा नेताबिरुद्ध पक्राउ पुर्जी जारी

सरकारी जमिन मालपोत र नापीका कर्मचारीहरुसँग मिलेर व्यक्तिको नाममा पार्ने प्रयास गरेको आरोपमा जिल्ला अदालत झापाले सरकारी नेकपाका स्थानीय नेता गगन पुरीलाई पक्राउ पुर्जी जारी गरे को छ ।.....

अनियमितताको आरोप लागेका एआइजी बस्नेतमाथिको कारबाहीमा ढिलाई

प्रहरीमा तल्लो तहका प्रहरीमाथि कारबाही हुने तथा माथिल्ला अधिकारीमाथि कारबाही हुँदैन भन्ने मान्यता स्थापित हुँदै गएको छ।  तल्लो दर्जाका प्रहरी कर्मचारीलाई सानो गल्ती वा अनियमिततामा.....

Exchange Rate

Nepali Patro