मालढुंगामा बस दुर्घटना हुँदा सातको मृत्यु, ३४ घाईते

संबाददाता : ओम हमाल     प्रकाशित मिति: (२०७५ माघ ३, बिहीबार) १२:४१

म्याग्दीको बेनीबाट नारायणगढतर्फ जाँदै गरेको ग१ख ६१०८ नम्वरको बस आज विहान सवा ८ बजे पर्वतको मालढुंगा नजिकै दुर्घटना हुँदा मृत्यु हुनेको संख्या सात पुगेको छ । दुर्घटनामा ३४ जना घाईते भएका छन् ।

तीन जनाको घटनास्थलमै र चार जनाको धौलागिरि अञ्चल अस्पतालमा उपचारका क्रममा मृत्यु भएको हो । दुर्घटनामा मृत्यु हुनेमा ५ जनाको सनाखत भएको छ । पर्वतको जलजला गाउँपालिका वडा न८ का एकै परिवारका टिके परियार र उनकी श्रीमती सेती परियार, म्याग्दीको पाखापानीका राजेश पुन र  बाग्लुङ्ग नगरपालिका ४ कुडुलेकी शान्ति केसी रहेकी छन ।

जिल्ला प्रहरी कार्यालय पर्वतका प्रमुख प्रहरी नायब उपरिक्षक भुवनेश्वर तिवारीका अनुसार, ३४ जना  मध्ये गभीर रहेका १७ जनालाई थप उपचारका लागि पोखरा पठाईएको छ । चार जनालाई हेलिकप्टर मार्फत काठमाण्डौ लगिएको छ । अन्यको बागलुङमै उपचार भैरहेको छ  ।

दुर्घटनाको कारण नाल्हुले पनि साघुरो बाटोमा तीब्र गतिमा बस गुडेका कारण अनियन्त्रित भै सडकबाट झण्डै दुई सय मिटर तल कालीगण्डकी नदिमा बस खसेको प्रहरीको अनुमान छ ।


(२०७५ माघ ३, बिहीबार) १२:४१ मा प्रकाशित

Exchange Rate

Nepali Patro