प्रहरीलाई झुक्याएर नेपालगञ्जमा पूर्वराजा वीरेन्द्रको शालिक राख्न खोज्दा झडप

संबाददाता : ओम हमाल     प्रकाशित मिति: (२०७३ भाद्र १५, बुधबार) २३:५०

बाँकेको नेपालगञ्जमा पूर्वराजा वीरेन्द्र वीरविक्रम शाहको शालिक राख्ने क्रममा प्रहरी र युवाहरुबीच झडप भएको छ । झडपपछि स्थिति तनावग्रस्त भएको छ । राष्ट्रवादी युवा समूहले बिहीबार धम्बोजीमा वीरेन्द्रको शालिक राख्न खोज्दा प्रहरीले हस्तक्षेप गरेको थियो । यद्यपी युवाहरुले शालिक भने राखिसकेका छन् ।

नेपालगञ्जको वीरेन्द्र चोकमा पूर्वराजा वीरेन्द्रको पूर्ण कदको शालिक थियो । दोस्रो जनआन्दोलनमा सो शालिक भत्काइएको थियो । त्यसपछि सो स्थानमा राष्ट्रिय झण्डा राखिएको थियो । झण्डा झुत्रो भयो भनेर फेर्न गएका युवाहरुले एक्कासी वीरेन्द्रको अर्धकदको शालिक राख्न खोजेपछि प्रहरीले रोक्न खोजेको थियो । प्रहरीसँगको झडपमा केही युवा घाइते भएका छन् ।

प्रहरीविरुद्ध प्रदर्शनमा उत्रिएकाहरुले राजा आउ देश बचाउ, राजतन्त्र जिन्दावाद लगायतका नारा लगाएका थिए ।राजतन्त्रको पक्षमा रहेका युवाहरुले वीरेन्द्रको शालिक हटाउन नदिने र त्यसको संरक्षण पनि आफूहरुले नै गर्ने बताएका छन् ।

प्रहरीलाई झुक्याए युवाले

दोस्रो जनआन्दोलनमा शो शालिक आन्दोलनकारीहरुले भत्काएका थिए । त्यसपछि शालिक भएको स्थानमा राष्ट्रिय झण्डामात्र राख्ने गरिन्थ्यो । झण्डालाई बेला-बेलामा फेर्ने गरिन्थ्यो । त्यहाँ प्रहरी पनि ड्युटीमा खटिन्थे ।

झण्डा पुरानो र झुत्रो भएको भन्दै विहीबार राष्ट्रवादी युवा समूहले झण्डा फेर्न प्रहरीसँग अनुमति माग्यो । प्रहरीले पनि अनुमति दियो । तर, राष्ट्रिय झण्डा बोकेर आएका युवाहरुले बोरामा राखेर पूर्वराजा वीरेन्द्रको अर्धकदको शालिक पनि ल्याएको प्रहरीले पत्ता पाएन ।

ति युवाहरुले चोकमा रहेको अग्लो पिलरको माथि झण्डासँगै शालिक पनि राख्न खोजे । त्यो देखेपछि ड्युटीमा खटिएका प्रहरीले रोक्न खोज्दा विवाद भयो । त्यहाँ थप प्रहरी फोर्स मगाइयो । वादविवाद झडपमा परिणत भयो । शान्त नेपालगञ्ज बजार हेर्दा हेर्दै तनावग्रस्त भयो ।

युवाहरुले सिमेन्टले जोडेर पूर्वराजा वीरेन्द्रको शालिक राखिसकेका छन् । उनीहरुले सो स्थानबाट शालिक हटाउन नदिने र त्यसको संरक्षण पनि गर्ने बताएका छन् । अहिले सो स्थान वरपर ठूलो संख्या प्रहरी परिचालन गरिएको छ । प्रहरीले सुर्खेत रोडको यातायात समेत बन्द गराएर धम्बोजी छेत्रलाई नियन्त्रणमा लिएको छ ।


(२०७३ भाद्र १५, बुधबार) २३:५० मा प्रकाशित

°
Weather from OpenWeatherMap

मुख्य समाचार

सबै

भारतीयद्वारा सिमानामा रहेको मठिया प्रहरी चौकीमा बम प्रहार, सेन्ट्रीमा बसेका प्रहरी घाइते

भारतले नेपाली भुमि कालापानी हडपेको बिरोधमा नेपालमा आन्दोलन चलिरहेका बेला रौतहट जिल्लाको इशनाथ नगरपालिका–४ स्थित सिमानामा रहेको मठिया प्रहरी चौकीमा भारतीय नागरिकले बम प्रहार गरेका छन्।  मंगलबार दिउँसो.....

सर्बोच्च अदालतको आदेश लत्याउंदै ने.क.पा. कास्कीका इन्चार्ज रुपेश अदालत गेटबाट फेरी गिरफ्तार, म्याग्दी लगिंदै

विप्लव नेतृत्वको ने.क.पा. कास्कीका ईञ्चार्ज कृष्ण वाग्ले "रूपेश"लाई अाज फेरी सर्बोच्च अदालतको गेटबाटै गिरफ्तार गरिएको छ।  बन्दी प्रत्यक्षीकरण मुद्दामा उनलाई आज सर्बोच्च अदालतले रिहा गर्न.....

भारत विरुद्धमा मलेसियाबाट नेपाली जनप्रगतिशिल मोर्चाले कडा संघर्ष को चेतावनी सहित विज्ञप्ति

  भारतले हालै प्रकाशित गरेको आफ्नो देशको नक्सामा नेपालको कालापानी ,लिपुलेख,र लिम्पियाधुरासहितको,भु-भा गलाई भारतमा गाभेको विषयप्रति नेपाल कम्युनिस्ट पाटी निकट पुर्बी एसिया जनप्रगतिशिल.....

Exchange Rate

Nepali Patro